Ingress තිරය පිටුපස කතාව - 1

සර්න් (CERN) නැමැති ආයතනය, තම එක්තරා පර්යේෂණයක දී යම්කිසි ශක්තිමය පදාර්ථයක් සොයා ගනු ලබනවා. ඔවුන් විසින් එය එක්සෝටික් මැටර් (exotic matter - XM) නමින් හඳුන්වනු ලැබුවා. මෙය පිළිබඳව වැඩි දුරටත් අධ්‍යයනය කරගෙන යාමේදී ඔවුන්ට දැන ගැනීමට ලැබෙනවා එය යම් ව්‍යූහමය දත්තයන් රැසක අන්තර්ගතයක් බව. වෙනත් විදියකින් කියනවා නම් යම් තොරතුරු සමූහයක්. මේ ශක්ති ද්‍රව්‍යයේ තිබුණු බරපතල ස්වභාවයත් එය පිටසක්වල තොරතුරු හුවමාරු කරනා මාධ්‍යයක් ලෙසත් පෙනී ගිය නිසා ඇමරිකාවේ N.I.A. (National Investigation Agency) නැමැති රාජ්‍ය ඒජන්සිය විසින් මේ පිළිබඳව වැඩි දුර අධ්‍යයනය කිරීමට ව්‍යාපෘතියක් ආරම්භ කරනු ලබනවා.

මෙවන් ව්‍යාපෘතියක් ආරම්භ කිරීමට පුරෝගාමී වූයේ N.I.A. හි ස්නායු ජීව විද්‍යාඥයෙක් වන දොස්තර එස්කියල් කැල්වින් (Dr. Ezekiel Calvin) මහතායි. කෙසේ නමුත් මෙහි අවසාන භාරකරු වූයේ N.I.A. හි මෙහෙයුම් අධ්‍යක්ෂ යුඑන් නි (Yuen Ni) නැමත්තෙක්. 

කැල්වින්, මේ අමුතු ක්‍රියාකාරීත්වයක් ඇති අනුප්‍රාණී XM වල බලපෑම N.I.A. හි තම සගයකු වන දොස්තර ඔලිවර් ලින්ටන් වුල්ෆ් (Dr. Oliver Lynton-Wolfe) කෙරෙහි ක්‍රියා කරනා ආකාරය පිළිබඳ වැඩි උනන්දුවක් දක්වනු ලැබුවා. ඔලිවර් මෙම ව්‍යාපෘතියෙහි මූලික ම අවධියේ දී මෙම ශක්ති ද්‍රව්‍යය පෝටල්ස් (portals) නමින් හඳුන්වන යම් යම් ද්වාරයන් හරහා මෙලොවට විසරණය වූ බවක් සොයා ගනු ලබනවා. ඒ වගේම කැල්වින් යෝජනා කරනවා මෙම XM හමුවේ ඉතා කාර්යක්ෂ්‍යමව සහ සක්‍රීයව වැඩ කරනා සංවේදී කණ්ඩායමක් පිහිටුවා ගන්නා ලෙසත්. හරියට ඔලිවර් ලින්ටන් වුල්ෆ් වැනි XM කෙරෙහි දැඩි සංවේදීතාවක් දක්වන්නන් පිරිසක්. 

ඒ කණ්ඩායමේ සැකසුනේ: 

- දොස්තර ඩෙව්‍රා බොග්ඩොනවිච් (Devra Bogdanovich), 

- මූර්ති ශිල්පියෙකු වන රෝලන්ඩ් ජාවිස් (Roland Jarvis), 

- සංගීතාඥයෙක් වන ඉනොක් ඩැල්බි (Enoch Dalby), 

- සංකේත විද්‍යාඥයෙක් වන කැරී කැම්බල් (Carrie Campbell), 

- ආධ්‍යාත්මික පුද්ගලයෙකු ලෙස සැලකූ මිස්ටි හැනා (Misty Hannah), 

- හිටපු හමුදා සෙබලකු හා වාර්තා චිත්‍රපට නිපැයුම් කරුවකු වන හෙන්රි හෑන්ක් ජොන්සන් (Henry Hank Johnson), 

- භෞතික විද්‍යාඥයකු වන යූරි ඇලරික් නගාසා (Yuri Alaric Nagassa) 

යන අයගෙනුයි. 

ලින්ටන් වුල්ෆ් මෙම ව්‍යාපෘතියේ ප්‍රධාන ඉංජිනේරුවරයා ද වනවා. මෙම ව්‍යාපෘතියට සහය ලබා ගැනීම උදෙසා ඔහු විසින් ටියුරින් පරීක්ෂාවට සාර්ථකව මුහුණ දිය හැකි ඉතා ප්‍රභල කෘත්‍රිම බුද්ධියක් නිර්මාණය කරනු ලබනවා. අභික්ෂණ ඇල්ගොරිතමයක් ලෙසින් අර්ථ දැක්වෙන “අ ඩිටෙක්ශන් ඇල්ගොරිදම්” (a detection algorithm) යන්නෙහි මුලකුරු එක් කර ඔහු එය ඒඩා (ADA) ලෙසින් නම් කරන අතර ම ස්මාර්ට ජංගම දුරකතනයක් XM පරිලෝකකයක් (XM scanner) ලෙසින් භාවිතා කල හැකි ආකාරයක් ද සොයා ගනු ලබනවා. මුලදී මේ සඳහා විශේෂ චිපයක් අවශ්‍ය වුවත් පසුව එය මෘදුකාංගයක් ලෙසින් නිමැවෙනවා. මේ ව්‍යාපෘතියේ මූලික ම පරමාර්ථය ලින්ටන් වුල්ෆ් හට XM පිළිබඳව වැඩිදුර අධ්‍යයන කිරීමට වැඩි XM ප්‍රමාණයක් ග්‍රහණය කර ගැනීමේ මගක අවශ්‍යතාව නිර්මාණය කර දීම විය හැකියි. 

පෙර කී පෝටලයක් ලෙසින් හඳුනා ගත හැකි වූ සර්න් ආයතනයෙහිදී ම කලින් සඳහන් කල කණ්ඩායම එක් රැස් වනු ලැබුවා. 

ලින්ටන් වුල්ෆ් දිගින් දිගටම ඉතා වේගයෙන් XM හා බැඳුනු තාක්ෂණය සංවර්ධනය කරනු ලැබුවා. ඔහු පෝටල් වලින් XM එකතු කර ගැනීමට රෙසොනේටර් (resonators) ද, අවශ්‍ය විටක එම රෙසොනේටර විනාශ කර දැමීමට XMP බර්ස්ටර් (bursters) ද, XMP ප්‍රහාරයන්ගෙන් රෙසොනේටර ආරක්ශා කර ගැනීමට නිවාරක (shields) ද නිර්මාණය කරනු ලැබුවා. නමුත් මේවායේ පැවැති අමුතු ක්‍රියාකාරීත්වය හේතුවෙන් පෝටල් අසලදී ද්වීගුණ වීම වැනි දෑ සිදු වූවා. එහෙයින් ඔලිවර් ගේ අනවධානය පිළිබඳව ඩෙව්‍රා සතුටට පත් වූයේ නම් නැහැ. 

සංවේදිතයින් පරිලෝකන මෘදුකාංගය අත් හදා බැලීමට නිතර එකතු වූවා, ඒඩා වෙත තම අත්දැකීම් කියනු ලැබුවා සහ එයින් ඔවුන් කෙරෙහි ඇති වන බලපෑම පිළිබඳව වාර්තා කරනු ලැබුවා. එක් අවස්ථාවක දී ඔවුනට පෝටලය තුලින් ජාවිස් ගේ කටහඬින් කියවෙන අපැහැදිලි ශබ්ධයන් හා මුසුවූ පණිවුඩයක් සොයා ගැනීමට හැකි වෙනවා. මේ ගැන ජාවිස්ගෙන් විමසූ විට ඔහු එවන් දෙයක් කිසිදා නොකී බව පවසන අතර, ඒඩා නම් කෘත්‍රිම බුද්ධිය මගින් ඔහු පවසන්නේ සත්‍යයක් බව ද තහවුරු කර ගනු ලබනවා. 

දිනක් ලින්ටන් වුල්ෆ්ගේ එක් පර්යේශනයක් හදිසියේම ඉතා දරුණු ලෙස වැරදී වාර්තා වැඩසටහනකට පිටව සිටි හෑන්ක් ජොන්සන් හැරුණු විට අනෙක්, සංවේදී කණ්ඩායමේ සියලුම දෙනා ඉතා ඉහල XM ප්‍රමාණයකට නිරාවරණය වනවා. පෝටලය තුලින් මුහුණක සේයාවක් දිස් වී එයට වෙනස් ම අයුරකින් ප්‍රතිචාර දැක්වීම වැනි අමුතු ම ආකාරයේ අත්දැකීම් කිහිපයකට ඔවුන් එහිදී මුහුණ දෙනවා. 

එකෙහෙණිම, ඉතා හොද මිත්‍රයන් වූ ඩෙව්‍රා සහ ජාවිස් දෙදෙනා මේ ව්‍යාපෘතියෙන් ඉවත් ව පලා යා යුතු බවට තීරණය කරනවා. N.I.A. ඔවුන් පසුපස ලුහු බඳිද්දී මේ දෙදෙනා ඉක්මණින් ජාවිස් ගේ මෝටර්සයිකලයේ නැගී පලා යනවා. එක් තැනකදී මොවුන් දෙදෙනා සූරිච් (Zurich) දුම්රිය ස්ථානයේ දී නැවත මුණ ගැසෙන්නට සැලසුම් කර මාර්ගයන් දෙකක යාමට තීරණය කර ගන්නවා. 

කෙසේ නමුත් ජාවිස් හට ඩෙව්‍රා මුණ ගැසීමට හැකිවන්නේ නෑ. එනමුත් ජාවිස් හට ඩෙව්‍රාගේ පෙනුමට සමාන කාන්තාවක් එහිදී මුණ ගැසෙනවා. ඔහු තේරුම් ගන්නවා මෙය උගුලක් බව. නමුත් ඔහු ඒ වන විටත් ප්‍රමාදයි. ඔහුටත්, ඩෙව්‍රා හා සමාන කාන්තාවටත් එතැනම වෙඩි තබා දැමෙන අතර N.I.A. ඒජන්තවරු විසින් ඔවුන්ගේ සිරුරු ඉක්මණින් එතැනින් ඉවත් කරගනු ලබනවා. 

ඇත්තෙන්ම මේ ඩෙව්‍රා හා සම පෙනුමැති කාන්තාව එවන ලද්දේත් ඇය හා ජාවිස් මරා දමනු ලැබුවේත් ඒඩා කෘත්‍රිම බුද්ධිය මගිනි. නමුත් ඩෙව්‍රා හට ආරක්ෂාකාරීව පලා යාමට ඉඩ සලසනු ලැබුවේ ද ඒඩා විසින් බව පසුව දැන ගැනීමට ලැබෙනවා. ඩෙව්‍රා මෙය නොදනී. ජාර්විස්ව ඝාතනය කෙරුව ද ඇයව ආරක්ෂා වීම ගැන ඇය තමා ආරක්ෂා කල දෙවියන්ට ස්තූතිවන්ත වූවාය. අන් අයගේ ආරක්ෂාව උදෙසා ඇය ඕනෑකමින් ම තම දුරකතනය සූරිච් හි කුඩා යන්ත්‍රෝපකරණ සොරුන් හට නතු කර ගැනීමට ඉඩ හැරියා ය. 

ඒ අතරතුර, ජාවිස් මිය යා යුතු වුවත් N.I.A. විසින් ඔහු සැබැවින්ම මිය ගොස් නැති බව සොයා ගනු ලබනවා. ඔහුගේ සිරුර මරණ පරීක්ෂණය පුරාවටම අළුත්වැඩියා වෙමින් ප්‍රිති නිර්මාණය වූ අතර තවත් අනෙකුත් පෝටල් ඇති ස්ථානයන්හි තොරතුරුත්, විවිධ පණිවුඩත් ඔහුගෙන් නිකුත් වන්නට විය. මේ නිසා ඔහු එවිට ද මිය ගොස් නැති බවත්, "ප්‍රබුද්ධත්වයට සැරසෙනු" වැනි පණිවුඩ වලින් තවත් තහවුරු විය.

N.I.A. හෙවත් නියෑන්ටික් (Niantic) හි ප්‍රථම වයිරල් වීඩියෝව ඩෙව්‍රාගේ නැතිවූ දුරකතනය පිළිබඳව විය. පරිලෝකන මෘදුකාංගය (scanner app) පොදු ජනතාවට පිට වූයේය. එය තමනුත් අන් අයවත් XM වලින් ආරක්ෂා කරගැනීමට උපකාර කර ගත හැකි ක්‍රමයක් විය හැකි බව ඒඩාගේ (මෙන්ම ඩෙව්‍රාගේ ද) චේතනාව විය. කෙසේ නමුත් ජාවිස් වෙනස් ම හැඩයක් ගෙන ඇති අතර එක්තරා ඇමුණුමක් හරහා ඔහුට විකල්ප දැක්මක් ගෙනහැර දැක්විය හැකි විය. එනම්, N.I.A. මෙන් XM ව්‍යාප්ත කිරීම සහ XM හි සම්පූර්ණ ශක්තිය ජනතාවගේ නිර්මාණශීලීභාවය හා පරිකල්පන හැකියාව ඉහළ නැංවීම සඳහා භාවිතා කිරීමයි. මෙමඟින් පිළිවෙලින් ප්‍රතිරෝධකයින් (Resistance) සහ ප්‍රබුද්ධිකයන් (Enlightened) ලෙසින් ප්‍රභේද ද්විත්වයක් ඇති වී ලොව පුරා පැවැත්වෙන අදිසි සංග්‍රාමයක් ආරම්භ විය. මෙය ඒ අදිසි සංග්‍රාමයේ උප්පත්ති කතාවයි.

Nexus Story

It's been more than three months since the Nexus 5 has made an official public appearance, to be precise its release on October 31st last year, allowing people to place orders directly from Google's play store and the pure Google experience that is stuffed inside this gorgeous flagship device has dramatically changed the way people look at mobile devices. 

The Nexus story was quite a little bit old by now but when you look back how it has changed over time was pretty amazing. We have come a long way since the first Nexus device suitably named to the Nexus One announced in 2010. Now we are in the new generation of apparently, ultra powerful, ever evolving smartphones at this point. Nevertheless for whatever reason, when Google was going to release their new version of the Nexus device along with their sweetest version of Android layered around it into this new era, they didn't make a big deal about it with announcements and subsequent releases. For this search engine giant, publicity was never needed to be sought and still their recent Nexus devices sold out in minutes like hot dogs out of the stove.

After the successful Nexus 4, it's clear that Google has built up a relationship with LG for the following Nexus, which made both devices sold out in first few minutes as it was first released for placing orders. Unlike other flagship contenders like Samsung Galaxy S4 and HTC One, everybody was quite anticipated to see how would it look, what features would it sport and who would take the challenge to cater the demand by manufacturing it for Google. Speculations twirled around the tech savvy people letting them wait for the successor to the previous Nexus, the 5th of its kind.

Nexus 5 was made after LG's own flagship smartphone named LG G2, designed with a minimal yet more premium and sophisticated look and feel, having almost of all its features trimmed a little bit down to match the Google's low price point starting at 350 dollars for the 16GB version. It first came with two color choices say black and white and now it's available in bright red too. The competitive specifications of Nexus 5 were good enough to bring a great smartphone experience as a reference device for the industry and for developers or general consumers, bundled with pure and powerful updated Android experience currently available unlike the predecessors. Most importantly the main advantage in Nexus devices is quick over the air Android updates.

Google uses their Nexus line to introduce the latest version of Android operating system and this time they released the tastiest Android experience they have ever made Android 4.4 KitKat with new user interface improvements and other eye-catching features that comes only available for the Nexus 5 at the moment. The new Google Experience launcher provides translucent notification and navigation bars with a second home screen fully dedicated to 'Google Now' with the ability to initiate voice searches by simply saying "Okay Google" when you are in any home screen. The updated camera was improved to produce better image quality with clear and saturated colors as a result of optical image stabilization plus incremental updates to Android KitKat in order to make the imaging experience more serviceable. Initially the downside of the Nexus 5 was its battery life and it's not as pathetic as it seems on average usage, but someone would feel like reaching for the charging cable earlier than any probably it should compared to competitors. 

With the Nexus 5, you are getting exactly what you are needed without having any bloatware or heavy applications that provides sky high features. It is a phone that suits the daily drive, because it is simple and it does what you need to do without giving any fuss. A rumor which started circulating a few weeks back stated that we might have to rely on much expensive Google Play edition devices to get our hands on pure Android experience, as it seems the Nexus line might come to an end this year, which surely is not a good news for many consumers. So let's have our fingers crossed until 2015 to see these rumors to get some backing. Till then enjoy pure Android on Nexus.

Control your world with Ingress

It is a game, but it's more like a realistic mission that you have to accomplish in your real life. Ingress is one of those addictive games that can be found in Android community that is not only limited for foreign players. Ingress is a game that was introduced by Google's Niantic Labs. Currently, there are hundreds of thousands of players around the globe who are addictively playing this strategic game and to be more precise, this is a location based game which makes the players go out and roam wherever they like to collect and gather points as well as to help other players who are striving to level up by completing missions. Simply put, Ingress is one big addictive augmented reality mobile game released by Google on 15th of November 2012. This is a game that turns you into a traveler and make you enjoy going out in a smart way.

First, to play this game you should have an Android powered smartphone with GPS and mobile data enabled. With the GPS, it finds your approximate exact location and display it on a road map where you can find yourself and the surroundings. Your every movement is recorded and synced with their servers and the more you move the more you earn. The concept about this augmented reality game is all about a fictitious project called 'Project Niantic' experimented by Niantic Labs. Ingress invites its players to go outside and explore the world around them since it can be played throughout the whole globe. Ingress is a good playground for gamers to interact with other players too, which is way better than playing a game sitting in one place. The game actually costs you time and physical strength since this is an augmented reality game in which every player has to physically move in their map, find the landmarks called as 'portals', interact with those and gain more advantages to level up and win missions that are planned with co-players. 

According to project Niantic, they came across a special, yet weird energy source called 'Exotic Matter (XM)' in our world, that are emitted from those aforementioned portals, which are considered as historic landmarks, architectural sculptures, monuments, government buildings, statues and pillars. Those energies can be found anywhere in our environment and a part of the world believes that those energies are harmful for human beings, who are called 'Resistance' (in blue) and the other part believes the opposite, called 'Enlightened' (in green). As a whole, everyone is called 'an agent' of their party called 'a faction'. Every player has to decide which part of the world they choose to join and play against whom. To be more clear as mentioned before, every player becomes an agent of the party they choose to play for. Irrespective of the faction you are in, exotic matter power you up to live throughout the game. 

The agents have to find the portals depicted as either friendly or enemy on their map and visit them. Visiting a portal does not mean anything but they have to get closer to them and interact in order to hack and acquire items like portal shields, portal controllers, ammunition, points to level up plus obtain badges from them. Agents can also attack enemy portals, destroy, then capture them converting the ownership of those back to their own faction/party. The next most important duty that all agents must carry out is connecting portals and create fields, which allows to take the control over a whole area under your own faction that blocks enemies from creating their fields unless they attack and capture portals under your party's ownership. 

That is how Ingress is played and it seems fun as the battlefield you play is your surroundings when you travel and is only happening virtually in the screen of your mobile device. It has become a growing and addictive game among many Sri Lankans and it is your decision to join the right community, become an agent to save the world and control it with your fellow agents.

Nexus 4 වල මිල $100 කින් පහතට

ඔබ Nexus දුරකතන වලට ප්‍රිය කරන්නෙක් ද? එසේ නම් මෙන්න කදිම අවස්ථාවක්. පසුගිය වසරේදී Google සමාගම විසින් නිකුත් කරනු ලැබූ ඔවුන්ගේ නවතම ජංගම දුරකතනය වන Nexus 4 අද දින (28-08-2013) සිට ඔබට පෙර මිලට වඩා ඩොලර් 100ක් අඩුවෙන් මිල දී ගැනීමට ඔවුන් තම Play Store හරහා ඉඩ ප්‍රස්ථාව සලසා දී ඇත. ඒ අනුව පෙර ඩොලර් 299 කට පැවති 8GB මාදිලිය දැන් ඩොලර් 199 කට ද, ඩොලර් 349 කට පැවති 16GB මාදිලිය ඩොලර් 249 කට ද ඔබට දැන් මිලදී ගත හැක. 

මෙහිදී පැවසිය යුතු ප්‍රධාන ම කරුණ නම් තවමත් ශ්‍රී ලාංකිකයන් හට සෘජුවම Google සමාගමෙන් Nexus උපාංග මිල දී ගැනීමට හැකියාව ලැබී නොමැති අතර මෙම දුරකතන සහ ටැබ්ලට් එම සුවිශේෂී අවම මිලටම ලබා ගැනීමට ඇමරිකාව, එංගලන්තය, ඕස්ට්‍රේලියාව, කැනඩාව, කොරියාව, ජර්මනිය, ප්‍රංශය සහ ස්පාඥ්ඥය යන රටවල වෙසෙනා අයෙකු ලවා මිල දී ගෙන මෙරටට ගෙන්වා ගැනීමට සිදු වනු ඇත.

2013 ට අනාවැකි 13 ක්

එළැඹෙන 2013 වසරේ දී Android හි කිනම් වෙනස්කම් සිදු වේද? Android හා සම්බන්ධ වූ නොයෙක් ක්ෂේත්‍රයන්ගේ කිනම් වෙනසක්, වර්ධනයක් සිදු වේද? නවමු නිර්මාණ කොපමණක් එළි දකීවිද? අන්තර්ජාලයෙන් වාර්තා වන මේ සම්බඳ අනාවැකි 13ක් පිළිබඳවයි මේ කියන්නට යන්නේ. මේවා තවමත් දකින්නට නොමැති නමුත් ඉදිරි වසරේ දී දැකීමට ලැබෙතැයි අනුමාන කළ හැකි අනාවැකි කිහිපයක් බව මතක තබා ගන්න.

1. Google සමාගම T-Mobile ජාලය වෙනුවෙන් MVNO නිකුත් කිරීම

Google සමාගම Dish ජාලය සමග එකතුව wireless සේවාවන් ලබා දීමට යන බවට කට කතාවක් පැතිර පවතී. එසේ නමුත් Google සමාගම T-Mobile සමග ගිවිසුමක් අත්සන් කර 2013 වසරේ මැද භාගයේ දී T-Mobile සමාගම 4G LTE ජාලය ඇරඹුමත් සමග ම අතථ්‍ය දුරකතන ජාලයක් බවට පත් කිරීමේ හැකියාවක් ඇත.

2. Sony සමාගම Android උපාංග සඳහා Gaikai නිකුත් කිරීම

Gaikai යනු cloud ජාල අවකාශයේ සෙල්ලම් කළ හැකි විඩියෝ ක්‍රීඩාවක්. ඉතා හොඳ මට්ටමේ පවතින මෙම ක්‍රීඩාවේ Android සඳහා වූ අනුවාදය නිකුත් වී නොමැත. Sony සමාගම විසින් මේ වසරේ දී Gaikai මිලදී ගනු ලැබුවේ ඇමරිකානු ඩොලර් මිලියන 380 කටය. එබැවින් Sony සමාගමට මේ පිළිබඳව 2013 වසර සඳහා දිගු කාලින සැලසුම් ඇති බවක් පෙනී යයි. PS3 ක්‍රීඩා ජනප්‍රිය වූවාක් මෙන්ම ජංගම දුරකතන සඳහා වූ PS4, Gaikai සමග 2013 දී ඉදිරියට එනු ඇතැයි සිතිය හැක.

3. Google TV සඳහා Wireless හැකියාව ලැබීම

Google සමාගමේ රූපවාහිණී සඳහා "Miracast" වැනි wireless තාක්ෂණය හරහා ජංගම උපාංග මගින් ශ්‍රව්‍ය දෘශ්‍ය පට හුවමාරු කරමින් රසවිඳීමේ හැකියාව, තවත් වැඩි දියුණු කරන ලද අතුරු මුහුණතක් ද සමග එලැඹෙන වසරේ එළි දැක්වෙන Android 5 සංස්කරණය තුලින් Google TV වෙත ලැබිය හැකිය.

4. HTC සමාගම One X2 නමැති දුරකතනයක් සියළුම ඇමරිකානු දුරකතන ජාල සඳහා නිපදවීම

Samsung සමාගම තම Galaxy S3 ඉහළට ගෙන ඒමට සමත් වූවාක් මෙන්ම ලබන වසරේ දී HTC සමාගම තම ප්‍රමුඛ පෙළේ One X2 මාදිලියේ දුරකතනය ලබන වසරේ මැද භාගයේ දී ඇමරිකානු දුරකතන ජාල සඳහා ඉදිරියට ගෙන එනු ඇතැයි බලාපොරොත්තු විය හැකිය.

5. Nexus 4 දුරකතන මිලියන 10 ඉක්මවා අලෙවි වීම

Nexus දුරකතන මේ දක්වා පෙන්නුම් කළේ මන්දගාමී අලෙවියක් වුව ද Nexus 4 එම තත්ත්වය වෙනස් කර ඉතා ඉහළ ඉල්ලුමක් පෙන්නුම් කළ දුරකතනයක් වූ හෙයින් ලබන වසරේ දී මෙම Nexus 4 දුරකතනය මිලියන 10 කට අධික ප්‍රමාණයකින් LG සමාගම බෙදාහැරිය හැකිය.

6. Motorola සමාගම Nexus RAZR නමින් දුරකතනයක් එළි දැක්වීම

Nexus දුරකතනයක් නිපදවීමට තරම් වැඩි කාලයක් Google සමාගම Motorola සමාගම ලබාගෙන නොසිටි නමුත් ලබන වසරේ දී Google සහ Motorola සමාගම් ද්විත්වය නව Nexus දුරකතනයක් Motorola Nexus RAZR නමින් එළි දැක්වීමට ඉඩ ඇත.

7. Huawei හෝ ZTE සමාගම් $99 ක Nexus දුරකතනයක් නිකුත් කිරීම

Nexus දුරකතන පිළිබඳව කතා කිරීමේදී Google සමාගම වෙනත් දුරකතන නිපැයුම් සමාගම් සමග අත්වැල් බැඳ එනම් Huwawei හෝ ZTE සමාගම් හා එක්ව ඇමරිකානු ඩොලර් 99 ක මිලට Nexus දුරකතනයක් එළි දැක්වීමට හැකියාවක් උදා විය හැක.

8. Sony සමාගමේ Smartwatch 2 කරළියට පැමිණීම

Sony Smartwatch, Pebble, සහ Metawatch Strata වැනි Android මගින් ක්‍රියා කෙරෙන ස්මාර්ට් අත් ඔරලෝසු මේ වසරේ දී නිකුත් වුවත් ඒවාට වැඩි ජනප්‍රියතාවක් හිමි නොවූ හෙයින් ලබන වසරේ දී Sony සමාගම සිහින් සහ අවම මිලකට ස්මාර්ට් අත් ඔරලෝසු නිර්මාණය කරනු ඇත.

9. Samsung සමාගම ඇමරිකාවේ උපාංග වෙළඳසැල් විවෘත කිරීම

Samsung සමාගම පළමු විකුණුම් සැල පැරීසියේ දී විවෘත කරනු ලැබුවා. මේ වසරේ දී ඔවුන් විසින් විවිධ තාවකාලික විකුණුම් සැල් ඇමරිකාවේ සාප්පු සංකීර්ණයන් තුල ගොඩ නැගුව ද ලබන වසරේ දී ප්‍රධාන ප්‍රදේශ 25 ක ඔවුනගේ ස්ථිර විකුණුම් සැල් ගොඩ නගනු ඇති බවක් නිගමනය කළ හැක.

10. Intel චිප් තාක්ෂණය Android දුරකතන වලට පිවිසීම

Intel සමාගම ඔවුන්ගේ ම දුරකතන නිපදවා ඇති බවක් පෙනී ගිය හෙයින් ලබන වසරේ දී Intel සමාගම තම චිප් තාක්ෂණය Android දුරකතන වල අන්තර්ගත කිරීම පිළිබඳව පෙර නිගමනයකට එළැඹිය හැකිය.

11. NVIDIA සමගමේ Tegra 4 ප්‍රොසෙසරයට සුභ කළක්

ඇමරිකානු ඩොලර් බිලියනයක ආදායමක් ලබා දෙමින් NVIDIA සමාගමේ සිව් වන පරම්පරාවේ Tegra 4 ප්‍රොසෙසරය ලබන වසරේ දී නිකුත් විය හැකි අතර එම චිපය අන්තර්ගත ජංගම දුරකතන ද රැසක් වෙළඳ පොළට පැමිණිය හැක.

12. Amazon මගින් Android දුරකතනයක් එළි දැක්වීම

Amazon සමාගම දුරකතනයක් නිශ්පාදනය කරතැයි බොහෝ කලක සිට කටකතා පැතිරෙමින් තිබිණ. මේ හා සැසඳීමේදී 2013 දී Android දුරකතනයක් නිපදවනු ඇතැයි බලාපොරොත්තු විය හැකි අතර එය Kindle Phone ලෙසින් නම් විය හැක.

13. HTC සමාගමේ Sense 5.0 අතුරු මුහුණතේ ආගමනය

ලබන වසරේ පැවැත්වෙන Mobile World Congress 2013 සමුළුවේ දී HTC සමාගම තම නවතම දුරකතනයන් හී පවතින Sense 5.0 අතුරු මුහුණත එළි දැක්විය හැකිය.

Nexus 4 ජරමරේ

පසුගිය දින කිහිපය Google සහ LG සමාගම් ද්විත්වයට ම බෙහෙවින් කාර්යබහුල වූ දින කිහිපයක් වීය. ඊට හේතුව වූයේ Google සමාගම ඔක්තෝබර් 29 වැනි දින Nexus උපාංග එළි දැක්වීම සහ නොවැම්බර් මස 13 වැනි දින ඒවා අන්තර්ජාලය හරහා ඇනවුම් කිරීමට ඉඩ සැලසීමයි. මෙම එළි දැක්වීම කෙසේ සාර්ථක වුවත්, එම උපාංග ඇනවුම් කිරීමේ සිට බෙදා හැරීම දක්වා වූ ක්‍රියාවලිය නම් ඉතාමත් අසාර්ථක මට්ටමක පැවතුණු දෙයක්. මේ හේතුවෙන් Google සමාගමට තම පාරිභෝගිකයන්ගේ බොහෝ අපවාදයන්ට ඇහුම්කන් දීමට පවා සිදු වූවා. මීට බෙහෙවින් හේතු වූයේ වෙනත් කවරදාකවත් නොතිබූ පරිද්දෙන් LG සමාගම මෙවර නිපදවූ Nexus 4 දුරකතනයට ඉතාමත් ඉහළ ඉල්ලුමක් පැවතීමයි. මේ හේතුවෙන් Google සමාගමේ අදාළ Play Store හි පෙර ඇණවුම් වෙබ් පිටුව පවා අක්‍රීය තත්ත්වයට පත් වූවා. මෙම ඉල්ලුම කෙතරම් වී ද යත් එය අන්තර්ජාලයට මුදා හැරි පළමු දිනය වන නොවැම්බර 13 වැනි දා අඩ හෝරාවක් ඇතුලත සියළුම දුරකතන විකිණී අවසාන වූවා. එම අවස්ථාවේ දී බොහෝ දෙනා හට නිතර දැක ගන්නට ලැබුනේ Google සමාගමේ තත්ත්වයෙන් බාල, එම අවස්ථාවේ දී නිතර දෝශ පෙන්නුම් කරනා වෙබ් පිටුවකි.

එදින දුරකතන සියල්ල විකිණී යාමෙන් අනතුරුව Google සමාගම නැවතත් නොවැම්බර් 27 වැනි දින මෙම Nexus 4 දුරකතනය පෙර ඇණවුම් කිරීම සඳහා Play Store හරහා අන්තර්ජාලයට මුදා හැරිය ද එදින ද බොහෝ දෙනාට මෙය මිල දී ගැනීමට නොහැකි වූ අතර පෙර කී දෝශයන් රැසට මුහුණ දීමට ද සිදු විය. මේ පිළිබඳව Google සමාගම පෙර දැනුවත් වීමකින් නොසිටියා ද, නැතහොත් මෙතරම් ඉල්ලුමක් පැවතේදෝයි නොසිතුවාදැයි යන්න පිළිබඳව නිෂ්චිත නිගමණයකට එළැඹිය නොහැකිය. නමුත් ඔවුනගේ බාළ තත්ත්වයේ මේ මුදා හැරීම හේතුවෙන් බොහෝ පාරිභෝගිකයන් ඉමහත් අපහසුතාවයටත් කණස්සල්ලටත් පත් වූ බව අන්තර්ජාලය පුරා ඔවුන් විසින් පළ කරන ලද ප්‍රකාශයන්ගෙන් දැක ගැනීමට හැකි වූවා.

මෙහි දී එක් වෙබ් අඩවියක් මෙම සිදු වූ දෝශයන් පැහැදිළි කර තිබුණේ ඉතාමත් අපූරු ආකාරයකින්. යමෙක් සුපිරි වෙළඳ සැලකට ගොස් තමා කැමැති භාණ්ඩය ලබා ගැනීමට පෝළිමේ සිට එය ලබා ගෙන අයකැමි වෙතට පැමිණි විට අදාළ භාන්ඩ මිල දක්වන යන්ත්‍රය අක්‍රීය වීම හේතුවෙන් අයකැමි තමා ලබා ගත් භාණ්ඩය රැගෙන නැවතත් තිබූ තැනින් තබා පාරිභෝගිකයා හට නැවතත් උත්සාහ කර අදාළ භාණ්ඩය රැගෙන ඒමට පවසයි. එවිට දී නැවතත් පැමිණ සිටිනා අනෙකුත් පාරිභෝගිකයන් සමග පොර කා අදාළ භාණ්ඩය රැගෙන අයකැමි වෙත පැමිණි විට නැවතත් ඔහු එය රැගෙන තිබූ තැනින් තබයි. නමුත් මෙවර පාරිභෝගිකයා අදාළ භාණ්ඩය ගැනීමට එය වෙත යාමේ දී එම භාණ්ඩයේ තොග අවසන් වී ඇති බව දැන ගනී. පසුගිය දින වල දී Nexus 4 දුරකතනය ඇනවුමේ දී ද මේ හා සමානම ක්‍රියාවලියක් Google Play Store හී දී ද සිදු විය.

මීට අමතරව LG සමාගම මගින් Google සමාගමට අවශ්‍ය කරනා තොග ලබා දීමට ප්‍රමාද වීමත් හේතුවෙන් නොවැම්බර් 13 වනදායින් අනතුරුව නැවතත් ඇනවුම් කිරීමට ඉඩ ප්‍රස්ථාව ලබා දීමට හැකි වූයේ 27 වැනි දිනයි. එමෙන්ම මෙම ප්‍රමාදය හේතුවෙන් ඇණවුම් කළ දුරකතන අදාළ පාරිභෝගිකයන් හට යැවීමට දිනක් හෝ දින 2 ක් පමණ ගත වෙතැයි කළ අනුමානය සති 4 සිට 5 දක්වා මුල දී සහ පසුව සති 7 සිට 9 දක්වා ද දීර්ඝ වූවා. මෙමගින් ද බොහෝ පාරිභෝගිකයන් අපහසුතාවන්ට ලක් වූවා පමණක් නොව කණස්සල්ලට ද පත් විය.

කෙසේ නමුත් Google සමාගම මෙම තත්ත්වයන් මගහරවා ගෙන තම වටිනා පාරිභෝගිකයන් හට උපරිම සහ කාර්යක්ෂ්‍යම සේවාවක් සපයන්නට වග බලා ගත යුතුය. මන්දයත් මෙයින් Google සමාගම අහිමි කර ගන්නේ අති විශාල මුදල් ප්‍රමාණයක් මෙන්ම තම වටිනා ලෝක ව්‍යාප්ත පාරිභෝගික පිරිසයි.

විනාඩි 30න්, Nexus 4 ඉවරයි

ඊයේ දිනයේ දී එනම් නොවැම්බර් 13 වැනි දිනටනියමිතව තිබූ පරිදි Google සමාගම විසින් තම නවතම Nexus උපාංග පෙළ Google Play Store හරහා ඇණවුම් කිරීමට ඉඩ සලසා දෙනු ලැබුවා. එය ආරම්භ වන්නට යෙදුනේ ශ්‍රී ලංකාවේ වේලාවෙන් රාත්‍රී 10:30 ට පමණය. නමුත් පුදුමය දනවන කරුණක් වන්නේ මෙසේ අලෙවියට විවෘත කර අඩ හෝරාවක් ගත වන්නට මත්තෙන් සියළුම Nexus 4 ජංගම දුරකතන විකිණී අවසාන වීමයි. මේ හේතුව නිසා Nexus ලෝලීන් බොහෝමයක් දෙනාට තමන් බලාපොරොත්තු වූ ආකාරයට පළමු අවස්ථාවේදී ම Nexus 4 ජංගම දුරකතන ඇණවුම් කිරීමට නොහැකි වූවා මෙන්ම ඒ සඳහා අදාළ Play Store වෙබ් පිටුවට බොහෝ දෙනා පැමිණීම හේතුවෙන් විවිධ ගැටළු රාශියක් ම උද්ගත වී තිබිණ. මෙහි ප්‍රතිඵලයක් ලෙසින් විවිධ දෝශ වලට එම ලෝලීන්ට මුහුණ පෑමට ද සිදු විය.

ඉතාමත් සීමිත සහ වාසනාවන්ත වූ අයට පමණක් ගිගා බයිට් 8 සහ 16 මාදිලි ඇණවුම් කර ගැනීමට හැකියාව ලැබී තිබිණ. කෙසේ නමුත් මේ වන විට තොග අවසන් වීම හේතුවෙන් Google Play Store හරහා Nexus 4 ජංගම දුරකතන ඇණවුම් කිරීමට නොහැකි තත්ත්වයක් උදා වී ඇත. මෙම තත්ත්වය Google විසින් නැවතත් උපාංග ඇණවුම් කිරීමට හැකි වන සේ පැය කිහිපයක් ඇතුලත වෙනස් කරනු ඇත. Nexus 4 දුරකතනයට ඉල්ලුම වැඩි වීම හේතුවෙන් ඊට සෑහෙන සැපයුමක් Google සමාගමට ලබා දීමට නොහැකිව එවැනි තත්ත්වයක් උදා වූවත් Nexus 10 ටැබ්ලට් පරිගණකය තවමත් Google Play Store හරහා ඇණවුම් කිරීමේ හැකියාව පවතී.

අද සිට Nexus සහ Android 4.2 ඔබට

අද නොවැම්බර් මස 13 වැනි දා. අද දවස Android ලෝලීන්ට විශේෂ වන හේතුවක් තිබෙනවා. එනම් පසුගිය මස 29 වැනි දා එළි දැක්වූ නවතම Nexus උපාංග පෙළ අද සිට මිල දී ගැනීමට ඇති හැකියාව. එනම් Google Play Store හරහා ඔබට අද සිට ඇණවුම් කර ලබා ගත හැකියි. නමුත් මේ සඳහා සැපිරිය යුතු කරුණු කිහිපයක් ම තිබෙනවා.

මීට බලපාන එක් කොන්දේසියක් නම් Google Play Store ශ්‍රී ලංකාවට බල නොපැවැත්වීම. වෙනත් අයුරකින් පවසනවා නම් ලාංකිකයන්ට එය හරහා කිසිදු උපාංගයක් අන්තර්ජාලය හරහා ලංකාවේ සිට ඇණවුම් කිරීමට නොහැකියි. ඇමරිකාව, ඕස්ට්‍රේලියාව වැනි රටක ජීවත් වන අයෙකු නම් පහසුවෙන් ම අන්තර්ජාලය ඔස්සේ මේ භාන්ඩ ඇණවුම් කර ලබා ගැනීමේ හැකියාව පවතී. එබැවින් ඔබට විදේශීය ප්‍රොක්සියක් භාවිතා නොකර Google Play Store හරහා කිසිදු භාණ්ඩයක් මිල දී ගැනීමට හැකියාව නොලැබෙනු ඇත. 

මීට අමතරව මෙවර දී Google Play Store විසින් තවත් කොන්දේසියක් පනවා තිබෙනවා. එනම් ඔබ යම් රටකට විවෘත Play Store එකක් හරහා ණය (Credit) කාඩ් පතකින් මුදල් ගෙවා ඇණවුමක් කරනවා නම් ණය කාඩ් පතෙහි ඇති ලිපිනයෙහි සඳහන් රට අදාල Play Store හි රටට සමාන විය යුතුයි. ඔබ සිතා සිටිනවා නම් විදේශයක සිටින්නෙකු හට ඔබේ කාඩ්පතේ තොරතුරු ලබා දී මෙම උපාංගයක් ලබාගෙන ඔවුන් හරහා ලංකාවට ගෙන්වා ගැනීමට, මෙවර දී එය සාර්ථක නොවනු ඇති.

ඉතින් මේ කොන්දේසි ද්විත්වයට යටත්වයි ඔබට නවතම Nexus උපාංග ලබා ගැනීමට හැකියාව ලැබෙන්නේ. එසේ නොහැකි නම් වෙනත් වෙළෙන්දෙකු හරහා මෙම උපාංග වල මිල මින් දෙගුණයක පමණ මුදලක් ගෙවා ලබා ගන්නට සිදු වනු ඇත. 

මීට අමතරව නවතම Android 4.2 Jelly Bean සංස්කරණය ද අද දින අනෙකුත් Nexus උපාංග සඳහා නිකුත් කර ඇත. මේ වන විට වාර්තා වන්නේ GSM සබඳතාව සහිත Galaxy Nexus ජංගම දුරකතන සඳහා පමණක් මෙම යාවත්කාලීනය ලැබී ඇති බවයි. නුදුරේදී ම ලාංකික ඔබ සැමටත් Nexus උපාංග පරිශීලනය කරමින් නවතම Android අත්දැකීම ද ලැබීමට හැකියාව උදා වෙනු ඇති.

Android ට සුභ උපන්දිනයක්

ඉතාමත්ම කුඩාවට Android ආරම්භ වූයේ 2007 වසරේ නොවැම්බර් මස 5 වැනිදායි. "Open Handset Alliance" මගින් Android යනු සියළුම ජංගම උපාංග නිශ්පාදකයන් හට විවෘතව යොදා ගත හැකි නවතම ජංගම දුරකතන මෙහෙයුම් පද්ධතියක් ලෙස එවකට දී හඳුන්වා දෙන ලදී.

Android එළි දැක්වීමට ප්‍රථමව Google සමාගම නිහඬව එහි නිර්මාණ සැලසුම් සඳහා ඊට වසර 2 කට පෙර එනම් වර්ශ 2005 සිට ම දායක වෙමින් පැමිණියේ Android Inc නැමැති ආයතනය ද මිලට ගනිමිනි.

වසර 2009 දී Android කරළියට පැමිණියේ HTC සමාගමේ Dream නැමැති ජංගම දුරකතනයත් සමගයි. නමුත් ජංගම දුරකතන වෙළඳපොළෙහි 75% ක පමණ කොටසකට හිමිකම් කීමට එයට හැකි වී ඇති බව මේ වන විට සනාථ වී හමාරයි.

වසර 3 කට ඉහත දී දුරකතනයක් හරහා එසේ ප්‍රකට වූ Android මෙහෙයුම් පද්ධතිය 2012 වසරේ අග භාගය වන විට ලබා ඇති දියුණුව සහ වෙනස්කම් අතිශයින්ම ඉහළ මට්ටමක පවතී. දැන් දැන් Single core, 500MHz ප්‍රොසෙසර සහ තත්ත්වයෙන් බාල තිර භාවිතයෙන් ඉවත්ව Dual core ප්‍රොසෙසර සහ ඉහළ තත්ත්වයෙන් යුතු HD තිර යොදා ගනිමින් Android සහිතව නිපදවෙන ජංගම උපාංග Quad core ප්‍රොසෙසර භාවිතා කරමින් ද නිශ්පාදනය වීම මේ වන විට ආරම්භ වී ඇත.

දියුණු වන මෙවන් ජංගම උපකරණ වල තාක්ෂණයත් සමග ම ඊට අනුගාමීව ඒ තාක්ෂණය මෙහෙයවීම සඳහා Android ද මේ වසර කිහිපය ඇතුලත දී Android 1.5 Cupcake හි සිට Android 4.2 Jelly Bean දක්වා වෙනස් වෙමින් දියුණු වී ඇති ආකාරය ද සිත් ගන්නා සුළුය. එමෙන්ම එහි ඉදිරිය ද බෙහෙවින් සිත්ගන්නා සුළු වනු ඇත.

LG Nexus 4 මිල ඉහළ යයි

අන්තර්ජාලයෙන් අළුතෙන් ම වාර්තා වන අසුභදායක පුවතක් පිළිබඳව අවධානය යොමු කිරීමටයි මේ සැරසෙන්නේ. එනම් දෙසතියක්ටත් නො අඩු කාලයක් තුල Google සමාගම විසින් එළි දැක්වුණු LG සමාගමේ Nexus 4 ස්මාර්ට් ජංගම දුරකතනය පාරිභෝගිකයන් මිල දී ගන්නා ස්ථානය අනුව එහි මිල විශාල වෙනස්කමකට භාජනය වීමේ හැකියාවක් පවතින බව වාර්තා වෙනවා.

මෙනිසා LG Nexus 4 දුරකතන ආකර්ශනීය ඉතාමත් ම අඩු මිලකට මිල දී ගත හැකි එකම ස්ථානය Google Play Store වනු ඇති බවටයි බොහෝ දෙනාගේ මතය වන්නේ. එනම් ඇමරිකානු ඩොලර් 300 ක පමණ මිලකටය. ඒ හැරුණු කොට මෙම දුරකතනයේ සැපයුම්කරුවන් වන LG සමාගම හරහා Nexus දුරකතන ලබාගෙන අලෙවි කරන අනෙක් සියළුම ස්ථාන වල මිල Google Play Store හි අගයට වඩා බෙහෙවින් ඉහළ යනු ඇත. දැනට වාර්තා වන දත්ත වලට අනුව මෙහි මිල යූරෝ 599 ක් නැතහොත් සාමාන්‍ය මිල මෙන් දෙගුණයක මිලක් වනු ඇත.

ඔබ Google සමාගම හරහා මෙය මිල දී ගනී නම් මේ පුවත එතරම් බලපාන ගැටළුවක් ඇති නොකළ ද වෙනත් ස්ථාන වලින් මිලදී ගැනීමට, එසේත් නැති නම් තම රටේ වෙළඳ සැල් වලින් ලබා ගැනීමට බලාපොරොත්තුව සිටී නම් මෙය ඔබේ බලාපොරොත්තු සුන් කරවන හෝ ඔබව පසුබෑමකට ලක් කරනා පුවතක් වනු නොඅනුමානය. කෙසේ නමුදු Google Play Store හරහා Google සමාගමට Nexus 4 ජංගම දුරකතනය අලෙවි කළ හැක්කේ ඔස්ට්‍රේලියාව, ප්‍රංශය, ජර්මනිය, ස්පාඥ්ඥය, කැනඩාව, පෝට රිකෝ ඇතුලත්ව ඇමරිකා එක්සත් ජනපදය යන රටවලටය.

ඉහත සඳහන් රටවල ජීවත් නොවන සියල්ලන්ට ම LG සමාගමේ ඉහළ මිල ගණන් වලට යටත්ව මෙම දුරකතනය මිල දී ගැනීමට සිදු වනු ඇත. නැතහොත් වෙනත් මාර්ගයකින් ලබා ගැනීමට සිදු වනු ඇත.

Nexus Q අරුතුදහන්?

පසුගිය ජූනි මාසයේදී Google සමාගම තම I/O සමුළුවේ දී හඳුන්වා දෙන්නට යෙදුන Nexus Q උපාංගය පිළිබඳවයි මේ කියන්න්ට යන්නේ. ඇත්තෙන්ම මේ Nexus Q යනු කුමක්ද? එයින් සිදුවන්නේ කුමක්ද? එය මිල දී ගන්නේ කෙසේද? මෙවන් ගැටළු රැසක් ම ඔබට ඇති වනවා වන්නට පිළිවනි.

Nexus Q යනු Google සමාගම විසින් පසුගිය ජූනි මාසයේ දී එවකට තම නවතම Nexus ජංගම උපාංග එළි දැක්වීමේ අවස්ථාවේ දී කාගේත් අවධානය දිනා ගැනීමට හැකි වූ තවත් නවතම මාදිලියේ Nexus උපාංගයකි. මෙහි කාර්‍යභාරය වන්නේ විනෝදාශ්වාදය සඳහා ගීත, වීඩියෝ ආදිය ඒ අවට ඇති Nexus උපාංග හා හුවමාරු කර ගැනීමේ හැකියාව ලබා දෙන උපකරණයක් වගේම එයට සම්බන්ධ කරනා හඬ පද්ධතියක් හෝ HDTV රූපවාහිනියක් හරහා රස විඳීමේ හැකියාව සලසන උපකරණයක් වීම. කෙටියෙන් කියතොත් ශ්‍රව්‍ය දෘශ්‍ය මංජුසාවක් වැන්නකි. එහි පවතින ගීත හෝ වීඩියෝ අනෙකුත් Nexus උපාංග හා හුවමාරු කිරීම මගින් එයට සම්බන්ධ සියළුම රසිකයන් හට පොදුවේ රස වින්දනයක් ලබා ගත හැකිය. මෙය ගෝලාකාර හැඩයකින් යුතු වන අතර එය වටා දිවෙන LED වලින් හැඩ ගැන්වුනු රේඛාව ඒ හරහා යමක් වාදනය වන විට විවිධ වර්ණ රටා ගෙන හැර පායි.

මෑතක් වන තුරු ම මෙම Nexus Q උපාංගය Google සමාගමේ Nexus සඳහා වන වෙබ් පිටුවෙහි පළ වී තිබුන ද දැන් එය දැකීමට නොහැක. එය සම්පූර්ණයෙන් ම එම පිටුවෙන් ඉවත් වී පසුගිය 29 වන දා එළි දැක්වූ නවතම Nexus උපාංග ත්‍රිත්වයෙන් පිරී පවතී. ඇත්තෙන් ම මේ Nexus Q වලට සිදු වූයේ කුමක්ද?

ඇත්තෙන් ම මෙය Google සමාගම විසින් නිපදවුව ද එය වෙළඳ පොළට ඔවුන් විසින් නිකුත් කරනු නොලැබිණ. මෑතක් වන තුරුත් එය Google Play Store හි පෙර ඇනවුම් සඳහා පමණක් වෙන් වී පැවතුන ද අනෙකුත් Nexus උපාංග වලට මෙන් මිල දී ගැනීමට හැකියාවක් ලබා දී නොතිබිණ. Nexus පිළිබඳ Google වෙබ් පිටුවෙන් ඔවුන් මෙය ඉවත් කිරීමත් සමග ම පවසා ඇත්තේ ඔවුන් මෙය තවත් වැඩි දියුණු කරනා බවත් බොහෝ විට නැවත පැමිණිය හැකි බවත් ය. Nexus Q සඳහා පෙර ඇනවුම් කරන ලද සියළු දෙනා හට Google සමාගම විසින් Nexus Q ද්විත්වය බැගින් එක් Nexus Q එකක මිලට ලබා දී ඇති බව වාර්තා වනවා.

තත්ත්වය මෙසේ වුවත් දෘඪාංගමය සහ මෘදුකාංගමය වෙනස්කම් රැසක් සහිතව නව මුහුණුවරකින් 2013 වසරේ පැවැත්වෙන මීලඟ Google I/O සමුළුවේ දී Nexus Q ඇමරිකානු ඩොලර් 299 ක් වැනි මුදලකට මිලදී ගැනීමේ හැකියාව ඇතුව නිකුත් කෙරෙනු ඇතැයි ඇතැමුන් පවසා සිටිනවා.

Android 4.2 Jelly Bean හි නව තතු

ඔක්තෝබර් 29 වන දිනයේ දී Google සමාගම තම විශේෂ එළි දැක්වීමේ උත්සවය නවතා දැමීම නිසා එදින සාමාන්‍ය දිනයක් ලෙසින් ගෙවී යතැයි බොහෝ දෙනා සිතුවද එය එසේ සිදු නොවුනේ ටිකෙන් ටික වර්ධනය වෙමින් පැවති සුළි කුණාටුවට පසුබට නොවී නවතා දැමූ කාර්යය වෙනත් අයුරකින් සිදු කිරීම නිසාය. කිසිම අඩුපාඩුවකින් තොරව, පෙර පුවත් සහ කටකතා වල සඳහන් වූ ආකාරයට ම Google සමාගම එදින තම Nexus උපාංග පෙළත් නව Android අනුවාදයත් එළි දැක්වූවා. මේ සැරසෙන්නේ එම Nexus උපාංග සියල්ලගේ ම ධාවනය වන නව Android 4.2 වන Jelly Bean හි අලුතින් දකින්නට ලැබෙන අංග පිළිබඳව තොරතුරු පළ කිරීමටයි.

1. Miracast (මිරකාස්ට්)

Miracast යනු Nexus 4 වැනි නව උපාංග මගින් Wi-Fi ඔස්සේ එහි තිරය රූපවාහිනියක් හා සම්බන්ධ කර ගැනීමෙන් හඬ සහ රූප හුවමාරු කර ගැනීමේ ක්‍රමෝපායකි. ඇත්තෙන්ම මෙය එතරම් විශේෂ කාරණාවක් නොවේ. නමුත් ඔබේ රූපවාහිනිය අඟල් 52 ක තරම් පැතලි තිරයක් සහිත වන්නේ නම් ඔබේ දුරකතනයේ ඇති දෑ එය හරහා නැරඹීමට ලැබීම විශේෂ අංගයක් වනු ඇත. රූපවාහිනී සඳහා වන Miracast උපාංග ද වෙළඳපොළට පැමිණෙනු ඇත. ඒ ඇමරිකානු ඩොලර් 99 කට නො අඩු මිලකට විය හැකිය. Google සමාගම තම Nexus උපාංග වල මෙම අංගය ස්ථාපනය කිරීම හේතුවෙන් Miracast, රූපවාහිනී වල ද අන්තර්ගත කෙරෙනු ඇත. මේ නිසා LG සමාගම 2013 වසරේ දී නිපදවන ස්මාර්ට් රූපවාහිනී සඳහා මෙම Miracast හැකියාව අන්තර්ගත කිරීමට 100% ක් ම ඇප කැප වී සිටින බවත් වාර්තා වෙනවා.

2. Gesture Typing Keyboard (ස්පර්ශයේ හැසිරීම අනුව ලියැවෙන යතුරු පුවරුව)

ඔබ දුරකතනයක හෝ ටැබ්ලට් පරිගණකයක හෝ තිරය මත ඇඟිලි වලින් නිතරම විවිධ ස්පර්ශයන් ලබා දෙමින් අවශ්‍ය කාර්යයන් කර ගැනීමට හුරු වී තිබෙනවා. එමෙන්ම ඇඟිලි, තිරය මත ඇතිල්ලීමෙන්, එසේත් නැතිනම් ඇදගෙන යාමෙන් ද විවිධ ක්‍රියාකාරකම් සිදු කරනු ලබනවා. Android 4.2 සමග හඳුන්වා දෙන මේ නවතම යතුරු පුවරු ආකාරයත් එසේ එක් ස්පර්ශීය ඇදීමකින් වචන ලිවීමේ හැකියාව ලබා දෙන්නක්. තවත් පැහැදිලි කළහොත් වචනයක් ලියන්නට ඔබ එක අකුරක් මත ඔබේ ඇඟිල්ල තබා වචනයේ අනිත් සියළුම අකුරු වෙත තම ඇඟිල්ල ඇදගෙන යාමෙන් තිරයෙන් ඇඟිල්ල එසවීමකින් තොරව වචන ලිවීමේ හැකියාව ලබා දෙන්නකි මේ Gesture Typing Keyboard. එසේම ඔබ ලියන්නේ කුමක්ද සහ ඔබේ ඇඟිල්ල මීලඟට දිව යන්නේ කිනම් අකුරක් වෙතට ද යන්න තීරණය කර එයට ගැලපෙන මීළඟ ආසන්නතම වචන කිහිපය අනුමාන කර ලබා දීමත් මෙම යතුරු පුවරුව මගින් සිදු කරනු ලබනවා.

3. Photo Sphere

මෙම නව අංගය පැමිණෙන්නේ කැමරා මෘදුකාංගයේ සිදුවී ඇති නවීකරණයත් සමගයි. මෙමගින් සිදු කරනු ලබන්නේ ඔබ කුමන දිශාවකට කැමරාව එල්ල කර ඡායාරූප ලබා ගත්ත ද ඔබ ගන්නා ඡායාරූප අදාල ස්ථාන වල දී එකිනෙක ඇමිණී සම්පූර්ණ රූපයක් ලබා දීමයි. මෙය Panorama අවස්ථාවෙ ම වැඩි දියුණු කරන ලද අවස්ථාවක් ලෙසිනුත් හැඳින්විය හැකිය. තව ද මෙය මගින් අංශක 360 ක ගෝලයක පරාසයක් පුරාවට ඡායාරූප එකතු කරගෙන තනි රූප සෑදීමේ හැකියාව පවතී. මෙය බොහෝ දුරට සමාන වන්නේ Google Maps හි පවතින Street View යන්නටය. මෙමගින් ඔබට ඔබ නිර්මාණය කරනා PhotoSphere රූප Google Maps වෙත එකතු කර ගැනීමට ද හැකියාව පවතී.

4. Multiple Users (පුද්ගල ගිණුම් කිහිපයක් පැවතීම)

ඔබගේ ටැබ්ලට් පරිගණකය කිහිප දෙනෙකු විසින් පරිහරණය කරන්නේ නම් ඔවුන් ඔබේ තොරතුරු සහ දත්ත, ලිපි ලේඛණ පරීක්ශා කරනාවට ඔබ අකමැති ඇති. මෙම ගැටළුවට පිළියමක් දැන් Android 4.2 මගින් ලබා දී ඇත. එනම් පුද්ගල ගිණුම් කිහිපයක් මගින් උපාංගය ක්‍රියාකරවීමේ හැකියාවයි. සරලව කිවහොත් සාමාන්‍ය Desktop පරිගණකයට කිහිප දෙනෙකු තම තමන්ගේ ගිණුම් හරහා සම්බන්ධ වී තම තමාගේ වැඩ කටයුතු කර ගැනීම හා සමාන ම දෙයකි. මෙමගින් ඒ ඒ පරිශීලකයා හට එකම උපාංගයක වෙන වෙනම වෙන් වූ ඉඩ කඩ තුල Homescreens, Backgrounds, Widgets, Apps සහ ක්‍රීඩා පවා අනෙකාගේ පෞද්ගලිකත්වයට බාධා නොකර පවත්වාගෙන යාමේ හැකියාව ලබා දී ඇත.

5. Google Now

Jelly Bean සමග සපැමිණි තවත් අංගයක් නම් Google Now යන්න. මෙය ද ඉතාමත් ප්‍රයෝජනවත් අන්දමින් වැඩි දියුණු කර ඇති අතර මින් පෙර සිට ම පැවති කාළගුණ තොරතුරු, ගමන් තොරතුරු වලට අමතරව ගුවන් ගමන් තොරතුරු, හෝටල් පහසුකම් තොරතුරු, ආපන ශාලා ඇනවුම් සිදු කිරීම, තමා සිටින තැනට සාපේක්ශව ආසන්නතම සිනමාහල් වල තිරගත වන වේලාවන් පිළිබඳ පවා තොරතුරු සැපයීමට සමත්.

6. Daydream

මෙම නවතම අංගය මගින් තම දුරකතනය ක්‍රියාවේ යොදවා නැති විට දී සහ රඳවනයේ තබා ඇති අවස්ථාවන්හී දී වැදගත් වන තොරතුරු තිරය මත දර්ශනය කරන්නකි. මෙය හරහා ඔබට ඔබේ ඡායාරූප ඇල්බමයක් දර්ශණය කර ගැනීමට හෝ Google Currents හි අලුත් ම පුවත් ගෙන්වා ගැනීමට ද පිළිවන.

7. Lock screen enhancements

ඔබේ උපාංගය අගුළු දමා ඇති අවස්ථාවේ එනම් Lock කර පවතින විට තිබූ තනි තිරය දැන් තිර කිහිපයක් වී ඇති අතර ඒවාට ද තමා කැමති widgets එකතු කර ගැනීමේ හැකියාව ලබා දී ඇත. මෙමගින් ලැබෙනා වාසිය නම් දුරකතනයේ අගුළු හැරීමකින් තොරව ම තමන්ට තමන්ගේ අභිමත තොරතුරු වලට ප්‍රවිශ්ඨ වීමට ඇති හැකියාවයි.

8. Enhanced notifications (වැඩි දියුණු කළ Notifications)

මෙහි එකතු වී ඇති නවතම අංගය නම් "Quick Settings" යන්නයි. Notification පැනලය පහලට ඇදීමෙන් අනතුරුව දකුණු ඉහළ කෙළවරේ ඇති අයිතමය ස්පර්ශ කිරීමෙන් මතු වන තවත් පැනලයක මෙම "Quick Settings" අංග පවතී.

මීට අමතරව දැකිය හැකි වෙනස්කම් නම් අප පෙර දී සවිස්තරාත්මකව සඳහන් කරන ලද Gmail හි සිදු කර ඇති වෙනස්කම් ය. තව ද ප්‍රධාන තිරයන් මත තෙවරක් ස්පර්ශ කිරීම තුලින් අදාළ ප්‍රධාන තිරය විශාලනය කර බැලීමේ හැකියාවත් නව Android අනුවාදයේ අන්තර්ගත විශේෂාංග අතරේ වේ.

නව Nexus උපාංග පෙළ දැන් Google වෙතින්

ඔක්තෝබර් 29 වැනිදා පිළිබඳව Android ලෝලීන්ගේ තිබූ කඩ වුණු බලාපොරොත්තුවට නැවතත් පණ දෙමින් ඔවුනගේ සිහින බොඳ නොකරමින් Google සමාගම 29 වැනිදා ම ඔවුනගේ නවතම Nexus උපාංග පෙළ නිල වශයෙන් ප්‍රකාශයට පත් කර තිබෙනවා. එළි දැක්වීමේ උත්සවයක් නොපැවැත්වුව ද එහි අදහස එවන් අවස්ථාවක් මෙවන් නව පන්නයේ උපාංග එළි දැක්වීමක් සඳහා අත්‍යාවශ්‍ය ම නැති බවයි. එහෙයින් Google සමාගම මගින් Nexus පවුලේ නවතම සාමාජිකයන් මෙලෙස 29 වැනි දා අන්තර්ජාලය ඔස්සේ මුළු ලෝකයට ම නිරාවරණය කරනු ලැබුවා. ආරංචි මාර්ග වලට අනුව මේ වන විට මේ එළි දැක්වීමත් සමග ම Nexus පිළිබඳව කෙරෙන කතා බහ අනෙක් සියළුම එළි දැක්වීම් වලට වඩා වැඩි වී ඇති බව වාර්තා වනවා.

මෙලෙස Nexus පවුලට එකතු වන නවතම උපාංග වන්නේ LG සමාගමේ Nexus 4 ස්මාර්ට් ජංගම දුරකතනයත්, Asus සමාගමේ Nexus 7 ටැබ්ලට් පරිගණකයේ ගිගාබයිට් 32ක් වන මාදිලිය සහ Samsung සමාගමේ Nexus 10 ටැබ්ලට් පරිගණකයයි. මේ නිල ප්‍රකාශයත් සමග ම Google සමාගම තම Google Play Store වෙත නවතම Nexus උපාංග ත්‍රිත්වය ද ඒවායේ අනෙකුත් මාදිලි ද ඇතුලත් කොට යාවත්කාලීන කොට තිබෙනවා. මීට අමතරව පැවසිය යුතු අනෙක් කරුණ නම් මේ උපාංග වල ඇදහිය නොහැකි මිල ගණන්. මන්දයත් වර්තමාණයේ නම ගිය ජංගම උපාංග නිර්මාණ සමාගම් මගින් නිපදවන ලද මේ උපාංගයන් අන් සියළුම ජංගම උපාංග වලට සාපේක්ශව මිලෙන් ඉතා අඩු වීමයි.

LG Nexus 4 හි ගිගා බයිට් 8 මාදිලිය ඇමරිකානු ඩොලර් 299 කටත්, ගිගාබයිට් 16 මාදිලිය ඇමරිකානු ඩොලර් 349 කට නොහොත් පෙර දී Galaxy Nexus දුරකතනය පැවති මිල‍ට ම ලබා දීම සුවිශේෂී කාරණාවක්. තව ද, Samsung Nexus 10 ටැබ්ලට් පරිගණකයේ ගිගාබයිට් 16 මාදිලිය ඇමරිකානු ඩොලර් 399 කටත්, ගිගාබයිට් 32 මාදිලිය ඇමරිකානු ඩොලර් 499 කටත් සලකුණු කර තිබෙනවා. Nexus 7 ටැබ්ලට් පරිගණකයේ ගිගාබයිට් 16 මාදිලිය ඇමරිකානු ඩොලර් 199 කටත්, ගිගාබයිට් 32ක් වන නවතම මාදිලිය ඇමරිකානු ඩොලර් 249 කටත් ලබා දීමට නියමිතයි. මේ මිල ගණන් Apple සමාගමේ සියළුම උපාංග හා සසඳා බලද්දී ඉතාමත්ම අඩු මට්ටමක පවතින, පාරිභෝගිකයන්ට පහසු මිලකින් යුතු වන බැවින් Apple iPad, iPad Mini, iPhone 5 අභිබවා ජනතාව අතරට යතැයි සිතිය හැකිය. මේ උපාංග Nexus පාරිභෝගිකයන් හට ලබා ගැනීමට හැකි වනුයේ නොවැම්බර් මස 13 වන දා සිටයි.

Nexus 10 ටැබ්ලට්ටුවේ ඇති අංග පිළිබඳව නිල වශයෙන් නිකුත් වූ Google Play Store පිටුවෙහි ඇති විස්තර කෙටියෙන් සලකා බැලුවහොත්, පික්සල් විභේදනය 2560 x 1600 වන අඟලකට පික්සල් 300ක් වන, අඟල් 10.055 ක WQXGA තිරයකින් හැඩ වී Corning සමාගමේ Gorilla Glass 2 වීදුරුවකින් ආරක්ෂා වී පැමිණෙන්නක්. ග්‍රෑම් 603 ක බරින් යුතු, A15 Dual Core ප්‍රොසෙසරයකින් ජව සම්පන්නවත්, ගිගාබයිට් 2ක මතකයකිනුත්, මෙගා පික්සල් 5ක ප්‍රධාන සහ මෙගා පික්සල් 1.9ක ඉදිරිපස කැමරා වලීන් ද, NFC, Bluetooth, Wi-Fi සබඳතාවෙන් ද පෝශණය වී ඇත. මෙයට බලය සපයන්නේ 9000mAh වන Lithium Polymer බැටරියකිනි. තව ද Micro USB, Micro HDMI විවර ද මෙහි අන්තර්ගතය. ප්‍රමාණය පිළිබඳව සැලකුවහොත් මෙය දිගින් 263.9mm ක් ද, පළලින් 177.6mm ක් ද, ඝණකම 8.9mm ක් ද වේ.

ඉතින් Android ලෝලීන් හට සතුටුදායක මේ පුවත හදිසි වාතාවරණයක් යටතේ වුව ද Google සමාගම විසින් තම පාරිභෝගිකයන් කණස්සල්ලට පත් නොකරමින් ලබා දීම Google සමාගම පිළිබඳව යහපත් ප්‍රතිරූපයක් ඇති කර ගැනීමට හේතු වනු ඇත. නැවතත් අපට බලා සිටීමට මින් ඉදිරියට එකතු වන දින 2 වනුයේ තවමත් ප්‍රකාශයට පත් නොකළ මේවායේ හඳුන්වා දීමේ උත්සවය පැවැත්වෙන දිනය සහ නොවැම්බර් 13 වැනිදායි.

LG Nexus 4 නිල වශයෙන් ප්‍රකාශයට පත් කරයි

අයහපත් කාලගුණය හේතුවෙන් 29 වැනිදාට පැවැත්වීමට නියමිතව තිබූ Google සමාගමේ විශේෂ උත්සවය කල් ගිය ද එදින නිකරුනේ අපතේ යාමට මේ වන විට Google සමාගමත්, LG සමාගමත් කටයුතු කර තිබෙනා පුවතක් අන්තර්ජාලයෙන් වාර්තා වනවා. එනම් අන් කිසිවක් නොව සියළු දෙනා බලාපොරොත්තුවෙන් සිටි LG සමාගම විසින් මෙවර නිර්මාණය කරන ලද LG Nexus 4 සුපිරි ජංගම දුරකතනය නිල වශයෙන් ප්‍රකාශයට පත් කිරීමයි. මොවුන් මෙය සිදු කර ඇත්තේ Microsoft සමාගම විසින් පවත්වන්නට නියමිත තවත් එළි දැක්වීමක උත්සවයක ආරම්භයට පැයකට පෙරයි. කෙසේ නමුත් මේ සමගම ඔබ අප කවුරුත් මේ වන තෙක් දැන සිටි කරුණු රාශියක් ම මේ ප්‍රකාශයට පත් කිරීමත් සමගම තහවුරු වන අතරම තවත් නොදන්නා තොරතුරුත් හෙළි වී ඇත.

එම නිල තොරතුරු අනුව Nexus 4 ජංගම දුරකතන ඉතාමත් වේගවත් Krait CPU සහිත 1.5GHz Quad Core Snapdragon S4 Pro නම් වන ප්‍රොසෙසරයකින් ජව සම්පන්න වන අතර අඟල් 4.7ක් වන, පික්සල් විභේදනය 1280 x 768 ක් වන WXGA True HD IPS Plus තිරයකින් වර්ණවත් වන අතර ම එය Corning සමාගමේ Gorilla Glass 2 වීදුරුවක් මගින් ආරක්ෂිත වනු ඇත. එමෙන්ම ගිගාබයිට් 2ක මතක ධාරිතාවක් පවතින මෙහි මෙගාපික්සල් 8ක ප්‍රධාන පසුපස කැමරාවක් සහ මෙගාපික්සල් 1.3ක් වන ඉදිරිපස කැමරාවකින් පෝශණය වෙයි. මෙම දුරකතනයට බලය සපයනුයේ 2100 mAh වන බැටරියකින් වන අතර කතා කාලය පැය 15.3 ක් පමණ වනු ඇත.

Nexus 4 දුරකතනයේ පෙර කියූවාක් මෙන්ම NFC තාක්ශණයෙන් යුත් වන අතර Android 4.2 Jelly Bean මෙහෙයුම් පද්ධතිය මගින් ක්‍රියා කරයි. මෙම නව Android අනුවාදයෙන් හෙළි වන එක විශේෂාංගයක් වන්නේ "PhotoSphere" වන අතර එය බොහෝ දුරට Microsoft හි "PhotoSynth" ට සමානතාවක් දක්වයි. මෙයින් සිදුවන්නේ දුරකතනය මගින් ලබා ගන්නා ඡායාරූප කිහිපයක් ගැලපෙන ලෙසින් එකිනෙක එකතු වී තනි රූප සෑදීමේ හැකියාව ලැබීමයි. තව ද දුරකතනයේ Settings එකම තැනකින් පහසුවෙන් වෙනස් කළ හැකි සහ පහසුවෙන් පිවිසිය හැකි පැනලයක් ද මෙහි අන්තර්ගතයි.

දිග 133.9mm ක් ද, පළල 68.7mm ක් ද, ඝණකම 9.1mm ක්ද වන LG Nexus 4 දුරකතනයේ බර ග්‍රෑම් 139ක් පමණි. එනම් මෙය Galaxy Nexus දුරකතනයට වඩා මඳක් කොට, මඳක් පළල, සහ මඳක් ඝණකම දුරකතනයකි. මේ දුරකතනයේ ප්‍රකාශයට පත් කිරීම මගින් හෙළි වන තවත් කරුණක් නම් එහි ජාල සබඳතාව ඇත්තේ GSM සහ HSPA+ ජාල වලට පමණක් වන බවත් LTE ජාල සඳහා සම්බන්ධ වීමේ පහසුකම මෙහි අන්තර්ගත නොවීමයි.

තව ද Nexus 4 දුරකතනය, අභ්‍යන්තර ගබඩා ධාරිතාව ගිගා බයිට් 8 සහ 16 වන මාදිලි 2කින් නිකුත් වන අතර Google Play Store හරහා මිල දී ගැනීමට ඇමරිකා එක්සත් ජනපදය, එංගලන්තය, කැනඩාව, ජර්මනිය, ප්‍රංශය, ස්පාඥය සහ ඕස්ට්‍රේලියාව යන රටවලට නොවැම්බර් 13 වන දා සිට ඉඩ ලැබෙනු ඇත.

අළුතෙන්ම ලැබෙන පුවත් වලට අනුව මෙහි ගිගාබයිට් 8 මාදිලිය ඇමරිකානු ඩොලර් 299 ක් වන අතර ගිගාබයිට් 16 මාදිලිය ඇමරිකානු ඩොලර් 349ක් වනු ඇත.

LG Nexus 4 වල අත්පොත පිට වෙයි

LG-E960 යන සංකේත නාමයෙන් හඳුන්වන LG සමාගම විසින් නිපදවූ අළුත්ම Nexus දුරකතනය 29 වැනිදා නිකුත් වීමට තිබුණ ද හදිසියේ ඇති වූ සුළි කුනාටුවක් හේතුවෙන් Google සමාගමට එය දින නියමයක් නොමැතිව කල් දැමීමට සිදුව තිබීමෙන් Nexus 4 දුරකතනය Android සහිත ජංගම දුරකතන ලෝලීන්ගේ අතට පත් වීමට තව සුළු කාලයක් ගත වීමට පිළිවන. Google සමාගම එම උත්සවය නිව්යෝක් නගරයේ ම පවත්වන්නට බලාපොරොත්තු වන්නේ නම් නව දිනය තවත් සතියක පමණ ප්‍රමාදයකින් දැනුම් දෙනු ඇත.

එය එසේ වුවත් වර්තා වන තවත් අළුත් ම පුවතක් වන්නේ Nexus දුරකතනයේ සේවා අත්පොතක් මේ වනවිට අන්තර්ජාලයට නිකුත් වී තිබීමයි. එය සිදු කර ඇත්තේ LG සමාගම විසින්ම ඔවුනගේ වෙබ් අඩවියේයි. නමුත් ඊට අදාළ වන සබැඳිය මේ වන විට අක්‍රීය තත්වයේ පවතින්නක්. මෙම පිටවී ඇති අත්පොත මගින් හෙළි වන කරුණු අතරින් වඩාත් වැදගත් වන කරුණ නම් Nexus 4 ජංගම දුරකතනයේ අභ්‍යන්තර ධාරිතාව ගිගාබයිට් 8 සහ 16 යන මාදිලි 2කින් පැමිණෙන බව. තව ද රැහැන් රහිත ආරෝපණය කිරීමේ හැකියාවත් ඇති බව ඉන් හෙළි වේ. දුරකතනයේ අංග පවතින්නේ කිනම් ස්ථාන වලදැයි යන්න පිළිබඳව මනා අවබෝධයක් මෙම අත්පොත මගින් දැන ගැනීමට ලැබී ඇත.

එම පිට වූ අත්පොත පහත සබැඳියෙන් ලබා ගන්න.

http://www.mediafire.com/view/?vy67bm1gtehyg33

Sandy නිසා Nexus එළි දැක්වීම කල් යයි

අන්තර්ජාලයේ තත්පරයෙන් තත්පරය අළුත් වන ජංගම උපාංග පිළිබඳ පුවත් වල දායකත්වයෙන් Google සමාගම කුමක් තම ජංගම උපාංග පරිශීලනය කරන්නන් වෙනුවෙන් නිකුත් කිරීමට යනවාදැයි යන්න පිළිබඳව මනා අවබෝධයක් Android ලෝලීන් හට දැනටමත් ලැබී ඇතැයි සිතිය හැකිය මන්දයත් ඔක්තෝබර් 29 වැනිදාට නිව්යෝක් නගරයේ දී Google සමාගම ඔවුනගේ නවතම නිර්මාණ පොදියක් ම තම පාරිභෝගිකයන් හට හඳුන්වා දීමට මේ වන විට සියළුම සැලසුම් ක්‍රියාත්මක වෙමින් පැවතුණු නිසා. 

නමුත් අදාළ දිනට එනම් 29 වැනිදාට පෙර දිනයේ දී ඇමරිකාවට හඹා ආ "Sandy" යන නාමයෙන් හඳුන්වන දරුණු සුළි කුණාටුවක් හේතුවෙන් මෙසේ 29 වැනිදාට පැවැත්වීමට නියමිතව සංවිධානය කර තිබූ උත්සවය දින නියමයක් නොමැතිව කල් දැමීමට සිදුවී ඇති බව Google සමාගම විසින් තම ආරාධිතයන් වෙත ප්‍රකාශයක් නිකුත් කරමින් යවා තිබෙනවා. මේ උත්සවය පැවැත්වීමට නියමිතව තිබූ නිව්යෝක් නගරයේ අදාළ ස්ථානය ජල තීරයක් අසබඩ පැවතීමත්, එම ස්ථානයෙන් මේ වන විට සියළු දෙනා ඉවත් කරමින් පවතින බවත් අන්තර්ජාලයෙන් වාර්තා වනවා. නිව්යෝක් නගරය හදිසි ආපදා තත්ත්වයක පවතින බවට ප්‍රකාශයට පත් කොට ඇති බවත් වැඩි දුරටත් වාර්තා වනවා. 

ආරාධිතයන් වෙත Google සමාගම විසින් යවන ලද පණිවිඩය මෙලෙස වේ. 

"We are canceling our Monday morning event in New York due to Hurricane Sandy. We will let you know our plans as soon as we know more. 

Stay safe and dry, 

The Android Team" 

Google සමාගම 29 වැනි සඳුදා දිනයේ දී තම නවතම Android උපාංග වන LG සමාගමේ Nexus 4 ජංගම දුරකතනයත්, Samsung සමාගමේ Nexus 10 ටැබ්ලට් පරිගණකය හා Asus සමාගමේ Nexus 7 ටැබ්ලට් පරිගණකයේ ම ගිගා බයිට් 32ක ධාරිතාවකින් හෙබි වැඩි දියුණු කරන ලද ටැබ්ලට් පරිගණකයත් ලෝකයට හඳුන්වා දීමට නියමිතව පැවතියේ ය. එපමණක් නොව එදින දී Android මෙහෙයුම් පද්ධතියේ 4.2 වන අනුවාදයත් නිකුත් කිරීමටයි සැදී පැහැදී සිටිනු ලැබුවේ. 

දින නියමයක් නොමැතිව හදිසි තත්ත්වයක් හේතුවෙන් මෙසේ කල් ගිය, සියළු දෙනා බලා සිටි මෙම අවස්ථාව අනිවාර්යෙන් ම Google සමාගම තුලින් ඉතා ඉක්මණින් ම නැවතත් ඉදිරි දිනක දී පවත්වනු ඇතැයි බොහෝ දෙනාගේ විශ්වාසයයි. කෙනමුත් Google සමාගම මේ පිළිබඳව නුදුරේදී ම දැනුන්ම් දෙන බවත් පවසා තිබෙනවා.

Android 4.2 - Jelly Bean ලෙසින්

එලැඹෙන සඳුදා දිනයේ දී දොරට වඩින නවතම Android 4.2 මෙහෙයුම් පද්ධතිය Jelly Bean ලෙසින්ම හඳුන්වන බව දැන් තහවුරු වී ඇති කරුණක්. මෙම සංස්කරණය “JVP15I” යන අංකය සහිතව "MANTA" යන සංකේත නාමයෙන් පැමිණෙන්නක්.  මෙය Jelly Bean හි ම වැඩි දියුණු කළ අවස්ථාවක් ලෙසයි කියනු ලබන්නේ.

ඡායාරූප සහ වීඩියෝ නැරඹිය හැකි ගැලරිය නව්‍යකරණයට බඳුන් වී ඇතත් තවමත් එහි අයිතමය Android 4.1 හි පැවති අයුරින් ම නොවෙනස්ව පවතී.

කැමරාව ක්‍රියාවට නැංවිය හැකි මෘදුකාංගයත් ඉතාමත්ම ප්‍රයෝජනවත් අන්දමින් වැඩි දියුණු කර ඇති අතර "slide-to-activate" අයුරේ මෙනුවක් දකුණු ඉහළ කෙළවරේ දැකීමට හැකිය.

ඊට අමතරව කැමරාවේ සහ කාලය දක්වන ඔරලෝසුවක් සහිත මෘදුකාංග වල අයිතම නව මුහුණුවරකින් නිර්මාණය කර ඇත.

පෙර නිල නොලත් පුවත් සහ වාර්තා වල සඳහන් වූ ආකාරයට Android 4.2 හි පුද්ගල ගිණුම් කිහිපයක් පවත්වාගෙන යාමට ඇති හැකියාව ද නිකුත් වී ඇති Android 4.2 හි තිර සටහන් මගින් තහවුරු වනු ඇත.

එසේ ම පෙරදී වාර්තා වූ තවත් නිල නොලත් ආරංචියක් වනුයේ Android 4.2 හි පවතින "Quick Settings" පැනලයක් පවතීයැයි කියූ දෙය. මෙය සත්‍යයක් බවට පත් කරමින් මේ මෙහෙයුම් පද්ධතියට එම අංගයත් එක් වී ඇති බව මෙම ඡායාරූප නිරීක්ෂණය කිරීමෙන් මනා සේ පැහැදිලි කර ගත හැකි වනු ඇත. මෙමගින් පරිශීලකයන්ට පහසුවෙන් ම පුද්ගල ගිණුම් අතර මාරු වීමටත්, තිරයේ ආලෝකයේ අඩු වැඩි කර ගැනීමටත්, Wi-Fi හා Bluetooth සබඳතාවත්, Airplane mode එක, ක්‍රියා කරවීමට සහ ක්‍රියා විරහිත කර ගැනීමටත්, තිරයේ හැරවීම හැසිරවීමටත් තනි ස්පර්ශයකින් කර ගැනීමට ඉඩ ප්‍රස්ථාවන් ලබා දී ඇත.

Nexus 10 වල පිට වූ විස්තර සහ රූප

අලුතෙන්ම වාර්තා වන Nexus පුවත වන්නේ Samsung සමාගම විසින් මෙවර නිපදවන Nexus 10 ටැබ්ලට් පරිගණකයේ රූප සහ විස්තර පිට වී තිබීමයි. පසුගිය ලිපියකින් පල කරන ලද සේවා අත් පොතක පල වූ සටහන් වල ඡායාරූප වලට සමාන අන්දමේ ම ටැබ්ලට්ටුවකුයි මේ නිකුත් වී ඇති රූප වලිනුත් පෙන්නුම් කරන්නේ. මෙය, පැතිරුණු කටකතා ඉවතලා ඇස් පනාපිට ම දැන් දැක ගැනීමට ලැබීමෙන් තව දින 2 කින් එළි දැක්වෙන Nexus උපාංග අතරේ නවතම සාමාජිකයා බැව් වැටහෙනවා ඇති.

මේ ටැබ්ලට් පරිගණකය Android 4.2 හෙවත් දැනට වාර්තා වන අන්දමට Jelly Bean හි ම සංස්කරණයකින් ක්‍රියා කෙරවෙන්නක්. එනම් Android හි 4.2 වැන්න key Lime Pie ලෙසින් නාමකරණය නොවන්නක් බැව් ලැබෙනා ආරංචි මාර්ග වලින් තහවුරු වෙමින් පවතිනවා. Android 4.2 හි "Settings" මෙනුවෙහි නව්‍යකරණයක් සිදු කර ඇති බව මේ වන විට දැක ගැනීමට හැකි වී තිබෙනවා. මීට අමතරව තවත් කිනම් අංගයන් වල වෙනස්කම් සිදු වී ඇත්දැයි තවමත් හෙළි වී නෑ. 

Nexus 10 ටැබ්ලට් පරිගණකයේ අභ්‍යන්තරයේ අන්තර්ගතැයි පැවසෙන මේත් සමගම පිට වන විස්තර සහිත අංගෝපාංග ලැයිස්තුවෙහි අන්තර්ගත වන දෑ මෙලෙසය. එනම් Samsung Exynos 5250 1.7 GHz, Dual Core Cortex-A15 ප්‍රොසෙසරයක්, වඩා හොඳ රූප හැසිරවීම් සහ දර්ශණ සඳහා Mali-T604 GPU එකක්, ගිගාබයිට් 2ක මතකයක්, ගිගාබයිට් 16ක අභ්‍යන්තර ගබඩා ධාරිතාවක්, පික්සල් විභේදනය 2560 x 1600 ක් වන අඟලකට පික්සල් 298.9 ක් පවතින අඟල් 10.1 ක Super AMOLED තිරයක්, LED සැණෙලියක් සහිත මෙගා පික්සල් 5ක පසුපස කැමරාවක්, ඉදිරිපස කැමරාවක්, NFC පහසුකම, Wi-Fi සම්බන්ධතාව, Bluetooth 4.0 පහසුකමත්, ඉදිර්පස ඇති speakers යුගලයකිනුත් මෙය හැඩ වනු ඇත.

සුපුරුදු පරිදි මෙම Nexus ටැබ්ලට්ටුවෙහි ද අභ්‍යන්තර ධාරිතාව වැඩි කර ගැනීමට Micro SD කාඩ් සවි කර ගැනීමට නොහැකි වන අන්දමිනුයි මෙය නිර්මාණය වන්නේ. මෙයට හේතුව විය හැක්කේ Google සමාගම තම Google Drive හරහා Nexus පරිශීලකයන් හට ඉඩ කඩ සලසා දීමත්, ඒ සඳහා ඔවුන්ව පෙළඹවීමත් විය හැකිය. 

එළැඹෙන සඳුදා දිනය, මේ ටැබ්ලට්ටුව ද Nexus සහෝදර කැල අතරට එකතු වන දිනයක් වනු ඇතැයි බොහෝ Android ලෝලීන්ගේ එකම බලාපොරොත්තුවයි.

Nexus 10 ගැන අළුත්ම තොරතුරු

Nexus යනු මේ දිනවල වැඩිපුරම තාක්ෂණික ලෝකයේ භාවිතා වන වචනයක් කීවොත් නිවැරදිය. ඒ තරමට ම Nexus උපාංග දැන් දැන් ජනතාව අතරට යමින් පවතිනවා. ඒ මින් පෙර සිදු වූවාටත් වඩා වැඩි අයුරකින් සහ බොහෝ දෙනා තව තවත් ඒ උපාංග මිලදී ගැනීමට පොළොඹවමිනි. මේ පුවතත් Google සමාගම Samsung සමාගම සමග එකතුව නිපදවන Nexus 10 වන අඟල් 10ක තිරයක් සහිත ටැබ්ලට් පරිගණකය පිළිබඳව අන්තර්ජාලයෙන් වාර්තා වන කරුණු කිහිපයක්. 

Nexus 10 ටැබ්ලට් පරිගණකය වෙළඳ පොළට ඒමට වැඩි කාලයක් නැති තරම්. එමෙන්ම එනමින් සත්‍ය වශයෙන් ම උපාංගයක් Samsung සමාගම නිපදවනා බවත් නොසැඟවිය යුතු, තවත් කටකතාවක් නොවන වගේම මේ වන විට තහවුරු වී ඇති පුවතක්. අන්තර්ජාලයෙන් වාර්තා වන Nexus 10 පිළිබඳ අළුත් ම තොරතුර වන්නේ එහි සේවා සඳහන් වී ඇති අත් පොතක් එසේත් නැත්නම් "Service Manual" එකක් පිට වී තිබීමයි. එහි මෙම ටැබ්ලට්ටුව කිනම් හැඩයක් ගනීදැයි දළ රූප මගින් මුද්‍රණය වී තිබීම මේ පුවත තවත් පෝශණය කරන්නක්. මීට අදාළ ඡායාරූප පළ කර ඇත්තේ කොරියානු වෙබ් අඩවියක් විසිනි. 

ඡායාරූප වල පෙනෙනා අන්දමට මෙම ටැබ්ලට්ටුව කැමරා 2 කින් ද, Stereo speakers වලින් ද, notification පෙන්වීම සඳහා LED එකකින් ද, Micro USB විවරයකින් ද, 3.5mm ප්‍රමාණයේ headset එකක් සවි කර ගත හැකි වීම සඳහා ඉඩකින් ද සමන්විත වේ. Android 4.2 මෙහි අන්තර්ගත විය හැකි අතර ජවය සපයන්නට Exynos 5250 dual-core Cortex-A15 වර්ගයේ ප්‍රොසෙසරයක් යොදා ගනු ඇතැයි ඇතැමෙක් පවසයි. මෙහි අඟල් 10.1 ක හෝ 11.8 ක් වන තිරයේ පික්සල් විභේදනය 2560 × 1600 වනු ඇත. එනම් අඟලකට පික්සල් 299ක් ලෙසිනි. 

Nexus 10 ටැබ්ලට්ටුවෙහි සංකේත නාමය "MANTA" ලෙසින් හඳුන්වන අතර එය ගිගාබයිට් 16 සහ 32 ප්‍රමාණ වලින් පැමිණෙනු ඇත. එහි වර්ණය වනුයේ අඟුරු වල ඇති අළු පැහැ වර්ණයකි. Samsung සමාගම මෙම ටැබ්ලට්ටුව හඳුන්වනු ලබන්නේ "GT-P8110" ලෙසිනි. 

ආරංචි මාර්ග වලට අනුව මෙම ටැබ්ලට් පරිගණකය තව දින කිහිපයකින් එළැඹෙන ඔක්තෝබර් 29 වෙනිදාට යෙදෙන Google සමාගමේ විශේෂ සමුළුවේ දී එළි දැක්වීමට නියමිත Nexus උපාංග කිහිපයෙන් එකක් විය හැකිය.

Android 4.2 වල තියෙන ජාති

ආරංචි මාර්ග වලින් දැන ගනීමට ලැබෙනා අලුත්ම පුවත වන්නේ මෙවර Google සමාගම මගින් නව Android මෙහෙයුම් පද්ධතියක් එළඹෙන 29 වැනිදා පවත්වන Google මාධ‍ය සමුළුවේදී එළි දැක්වීමට සිටිනා බවයි. මේ නව සංස්කරණය හැඳින්විය හැක්කේ බොහෝ විට Android 4.2 Key Lime Pie යනුවෙනි. Android මෙහෙයුම් පද්ධතියේ නාමකරන රීතීන්ට අනුව මීළඟ දිග හැරුමේ නාමය ආරම්භ විය යුත්තේ ඉංග්‍රීසි හෝඩියේ "K" අකුරෙනි. එබැවින් මෙය එනමින් නාමකරණය විය හැකිය. අප තවමත් නොදන්නා කාරණාව නම් මෙය Jelly Bean හි ම වැඩි දියුණු කරන ලද්දක් ද, නැතිනම් අළුත්ම මුහුණුවරකින් පැමිණෙන්නක් ද කියායි. කෙසේ නමුත් මෙහි පැවතිය හැකි අංග පිළිබඳව සොයා බැලීම වැදගත් වේ. 

Google සමාගමේ "Roadrunner" ව්‍යාපෘතිය මෙහි අන්තර්ගත වේ යැයි බොහෝ දෙනා අනුමාන කරන්නක්. මෙම ව්‍යාපෘතියේ අරමුණ නම් මෘදුකාංග සංවර්ධකයින් හට සියළුම Android උපාංග වල ක්‍රියාකාරීත්වය සහ බැටරි කාලය ඉහළ නැංවීමට ඉඩ සලසවන්නක්. පෙරදී Android වෙනුවෙන් එකතු වුනු "Butter" ව්‍යාපෘතිය මගින් මෙහෙයුම් පද්ධතියට සුමට බවක් ගෙන දීමට සමත් වූවා මෙන්ම එය ඉතාමත්ම සාර්ථක කර ගැනීමට Google සමාගමට හැකියාව ලැබුනා. මෙම "Roadrunner" ව්‍යාපෘතිය ද එවැනිම සාර්ථකත්වයක් ලබනු ඇතැයි සිතිය හැක. 

මෙම නවතම ව්‍යාපෘතියට අමතරව Android 4.2 හි ඇතුලත් විය හැකි යැකි පැවසෙන අනෙක් අංගය වන්නේ "Quick Settings" යන්නයි. දැනටමත් සමහර Android මත ක්‍රියා කරනා දුරකතන වල ඇති මෙම අංගය මගින් Android ජංගම දුරකතන හසුරවන්නන්ට පහසුවෙන් ම, තනි පියවරකින් ම හෝ ස්පර්ශයකින් ම දුරකතනයේ Wi-Fi, Bluetooth හා GPS සබඳතා ක්‍රියා කරවීමට සහ ක්‍රියා විරහිත කිරීමටත්, ශබ්ධය පාලනය කිරීමටත්, තිරයේ හැරවීම පාලනයටත් හැකියාව ලැබෙනු ඇත. මෙම අංගය පැමිණෙනු ඇත්තේ දුරකතන තිරයේ ඉහලින් දිස්වන පහලට ඇදිය හැකි "Notification" පැනලයේ ඉහළින් ය. තවත් සමහරු කියනා අන්දමට මෙය එසේ පහළට අදිනා දෙවැනි පැනලයක් තුල වුව ද අඩංගු විය හැකිය. 

තව ද Android 4.2 වල සුරක්ශිතතාව ඉහළ නැංවීම වෙනුවෙන් "SELinux", "VPN Lockdown" සහ "SMS Confirmation" යන ආරක්ෂිත විධික්‍රම ස්ථාපනය වනු ඇති. තව ද පෙර ලිපියක සඳහන් කළ පරිදි Gmail 4.2 ද මේ සමග පැමිණෙනු ඇති. එමගින් Gmail භාවිතා කරන්නන්ට ඊමේල් පහසුවෙන් ඉවත් කිරීම, ගබඩා කිරිම හා සම්බන්ධ අලුට්වැඩියාවන් මෙන්ම ඊමේල් විශාල කර බැලීමේ හැකියාව ද අන්තර්ගත වනු ඇත. මීට අමතරව ප්‍රධාන තිරයේ ඇති අයිතම අලුත් ම පෙනුමකින් ද පැමිණෙනු ඇති අතර රූප වීඩියෝ සියල්ලට පිවිසිය හැකි Gallery ද සම්පූර්ණයෙන් ම වෙනස් නව මුහුණුවරකින් පැමිණෙනු ඇත. 

මේ අංග පිළිබඳව අන්තර්ජාලයේ විවිධ වෙබ් අඩවි විවිධ මත පළ කරනා හෙයින් මේ කියූ ඒවා පිළිබඳව 100% කම විශ්වාසය තබා ගැනීමට නොහැක. එබැවින් මේ කරුණු වල සත්‍යාසත්‍යතාව දැන ගැනීමට ඔක්තෝබර් 29 වැනි දා වන තෙක් සිටීමට සිදු වනු ඇත.