දන්න කියන දෙයක් හැමෝටම දැනගන්න කියලා ලියන මේ බ්ලොග් පිටුවට ඔයාලව ආදරයෙන් පිළි ගන්නවා. ඉගෙන ගන්න පුළුවන් දේවල් කියලා දෙන්න බලාපොරොත්තු වෙනවා. ආපු වෙලාවක කොමෙන්ට් එකක් දාන්නත්, පාඨකයෙක් විදියට ෆොලෝ කරන්නත් පුළුවන් නම් වටිනවා.
Showing posts with label LG. Show all posts
Showing posts with label LG. Show all posts

Monday, February 17, 2014

Nexus Story

It's been more than three months since the Nexus 5 has made an official public appearance, to be precise its release on October 31st last year, allowing people to place orders directly from Google's play store and the pure Google experience that is stuffed inside this gorgeous flagship device has dramatically changed the way people look at mobile devices. 


The Nexus story was quite a little bit old by now but when you look back how it has changed over time was pretty amazing. We have come a long way since the first Nexus device suitably named to the Nexus One announced in 2010. Now we are in the new generation of apparently, ultra powerful, ever evolving smartphones at this point. Nevertheless for whatever reason, when Google was going to release their new version of the Nexus device along with their sweetest version of Android layered around it into this new era, they didn't make a big deal about it with announcements and subsequent releases. For this search engine giant, publicity was never needed to be sought and still their recent Nexus devices sold out in minutes like hot dogs out of the stove.

After the successful Nexus 4, it's clear that Google has built up a relationship with LG for the following Nexus, which made both devices sold out in first few minutes as it was first released for placing orders. Unlike other flagship contenders like Samsung Galaxy S4 and HTC One, everybody was quite anticipated to see how would it look, what features would it sport and who would take the challenge to cater the demand by manufacturing it for Google. Speculations twirled around the tech savvy people letting them wait for the successor to the previous Nexus, the 5th of its kind.

Nexus 5 was made after LG's own flagship smartphone named LG G2, designed with a minimal yet more premium and sophisticated look and feel, having almost of all its features trimmed a little bit down to match the Google's low price point starting at 350 dollars for the 16GB version. It first came with two color choices say black and white and now it's available in bright red too. The competitive specifications of Nexus 5 were good enough to bring a great smartphone experience as a reference device for the industry and for developers or general consumers, bundled with pure and powerful updated Android experience currently available unlike the predecessors. Most importantly the main advantage in Nexus devices is quick over the air Android updates.

Google uses their Nexus line to introduce the latest version of Android operating system and this time they released the tastiest Android experience they have ever made Android 4.4 KitKat with new user interface improvements and other eye-catching features that comes only available for the Nexus 5 at the moment. The new Google Experience launcher provides translucent notification and navigation bars with a second home screen fully dedicated to 'Google Now' with the ability to initiate voice searches by simply saying "Okay Google" when you are in any home screen. The updated camera was improved to produce better image quality with clear and saturated colors as a result of optical image stabilization plus incremental updates to Android KitKat in order to make the imaging experience more serviceable. Initially the downside of the Nexus 5 was its battery life and it's not as pathetic as it seems on average usage, but someone would feel like reaching for the charging cable earlier than any probably it should compared to competitors. 

With the Nexus 5, you are getting exactly what you are needed without having any bloatware or heavy applications that provides sky high features. It is a phone that suits the daily drive, because it is simple and it does what you need to do without giving any fuss. A rumor which started circulating a few weeks back stated that we might have to rely on much expensive Google Play edition devices to get our hands on pure Android experience, as it seems the Nexus line might come to an end this year, which surely is not a good news for many consumers. So let's have our fingers crossed until 2015 to see these rumors to get some backing. Till then enjoy pure Android on Nexus.

Wednesday, December 19, 2012

2013 ට අනාවැකි 13 ක්

එළැඹෙන 2013 වසරේ දී Android හි කිනම් වෙනස්කම් සිදු වේද? Android හා සම්බන්ධ වූ නොයෙක් ක්ෂේත්‍රයන්ගේ කිනම් වෙනසක්, වර්ධනයක් සිදු වේද? නවමු නිර්මාණ කොපමණක් එළි දකීවිද? අන්තර්ජාලයෙන් වාර්තා වන මේ සම්බඳ අනාවැකි 13ක් පිළිබඳවයි මේ කියන්නට යන්නේ. මේවා තවමත් දකින්නට නොමැති නමුත් ඉදිරි වසරේ දී දැකීමට ලැබෙතැයි අනුමාන කළ හැකි අනාවැකි කිහිපයක් බව මතක තබා ගන්න.

1. Google සමාගම T-Mobile ජාලය වෙනුවෙන් MVNO නිකුත් කිරීම
Google සමාගම Dish ජාලය සමග එකතුව wireless සේවාවන් ලබා දීමට යන බවට කට කතාවක් පැතිර පවතී. එසේ නමුත් Google සමාගම T-Mobile සමග ගිවිසුමක් අත්සන් කර 2013 වසරේ මැද භාගයේ දී T-Mobile සමාගම 4G LTE ජාලය ඇරඹුමත් සමග ම අතථ්‍ය දුරකතන ජාලයක් බවට පත් කිරීමේ හැකියාවක් ඇත.

2. Sony සමාගම Android උපාංග සඳහා Gaikai නිකුත් කිරීම
Gaikai යනු cloud ජාල අවකාශයේ සෙල්ලම් කළ හැකි විඩියෝ ක්‍රීඩාවක්. ඉතා හොඳ මට්ටමේ පවතින මෙම ක්‍රීඩාවේ Android සඳහා වූ අනුවාදය නිකුත් වී නොමැත. Sony සමාගම විසින් මේ වසරේ දී Gaikai මිලදී ගනු ලැබුවේ ඇමරිකානු ඩොලර් මිලියන 380 කටය. එබැවින් Sony සමාගමට මේ පිළිබඳව 2013 වසර සඳහා දිගු කාලින සැලසුම් ඇති බවක් පෙනී යයි. PS3 ක්‍රීඩා ජනප්‍රිය වූවාක් මෙන්ම ජංගම දුරකතන සඳහා වූ PS4, Gaikai සමග 2013 දී ඉදිරියට එනු ඇතැයි සිතිය හැක.

3. Google TV සඳහා Wireless හැකියාව ලැබීම
Google සමාගමේ රූපවාහිණී සඳහා "Miracast" වැනි wireless තාක්ෂණය හරහා ජංගම උපාංග මගින් ශ්‍රව්‍ය දෘශ්‍ය පට හුවමාරු කරමින් රසවිඳීමේ හැකියාව, තවත් වැඩි දියුණු කරන ලද අතුරු මුහුණතක් ද සමග එලැඹෙන වසරේ එළි දැක්වෙන Android 5 සංස්කරණය තුලින් Google TV වෙත ලැබිය හැකිය.

4. HTC සමාගම One X2 නමැති දුරකතනයක් සියළුම ඇමරිකානු දුරකතන ජාල සඳහා නිපදවීම
Samsung සමාගම තම Galaxy S3 ඉහළට ගෙන ඒමට සමත් වූවාක් මෙන්ම ලබන වසරේ දී HTC සමාගම තම ප්‍රමුඛ පෙළේ One X2 මාදිලියේ දුරකතනය ලබන වසරේ මැද භාගයේ දී ඇමරිකානු දුරකතන ජාල සඳහා ඉදිරියට ගෙන එනු ඇතැයි බලාපොරොත්තු විය හැකිය.

5. Nexus 4 දුරකතන මිලියන 10 ඉක්මවා අලෙවි වීම
Nexus දුරකතන මේ දක්වා පෙන්නුම් කළේ මන්දගාමී අලෙවියක් වුව ද Nexus 4 එම තත්ත්වය වෙනස් කර ඉතා ඉහළ ඉල්ලුමක් පෙන්නුම් කළ දුරකතනයක් වූ හෙයින් ලබන වසරේ දී මෙම Nexus 4 දුරකතනය මිලියන 10 කට අධික ප්‍රමාණයකින් LG සමාගම බෙදාහැරිය හැකිය.

6. Motorola සමාගම Nexus RAZR නමින් දුරකතනයක් එළි දැක්වීම
Nexus දුරකතනයක් නිපදවීමට තරම් වැඩි කාලයක් Google සමාගම Motorola සමාගම ලබාගෙන නොසිටි නමුත් ලබන වසරේ දී Google සහ Motorola සමාගම් ද්විත්වය නව Nexus දුරකතනයක් Motorola Nexus RAZR නමින් එළි දැක්වීමට ඉඩ ඇත.

7. Huawei හෝ ZTE සමාගම් $99 ක Nexus දුරකතනයක් නිකුත් කිරීම
Nexus දුරකතන පිළිබඳව කතා කිරීමේදී Google සමාගම වෙනත් දුරකතන නිපැයුම් සමාගම් සමග අත්වැල් බැඳ එනම් Huwawei හෝ ZTE සමාගම් හා එක්ව ඇමරිකානු ඩොලර් 99 ක මිලට Nexus දුරකතනයක් එළි දැක්වීමට හැකියාවක් උදා විය හැක.

8. Sony සමාගමේ Smartwatch 2 කරළියට පැමිණීම
Sony Smartwatch, Pebble, සහ Metawatch Strata වැනි Android මගින් ක්‍රියා කෙරෙන ස්මාර්ට් අත් ඔරලෝසු මේ වසරේ දී නිකුත් වුවත් ඒවාට වැඩි ජනප්‍රියතාවක් හිමි නොවූ හෙයින් ලබන වසරේ දී Sony සමාගම සිහින් සහ අවම මිලකට ස්මාර්ට් අත් ඔරලෝසු නිර්මාණය කරනු ඇත.

9. Samsung සමාගම ඇමරිකාවේ උපාංග වෙළඳසැල් විවෘත කිරීම
Samsung සමාගම පළමු විකුණුම් සැල පැරීසියේ දී විවෘත කරනු ලැබුවා. මේ වසරේ දී ඔවුන් විසින් විවිධ තාවකාලික විකුණුම් සැල් ඇමරිකාවේ සාප්පු සංකීර්ණයන් තුල ගොඩ නැගුව ද ලබන වසරේ දී ප්‍රධාන ප්‍රදේශ 25 ක ඔවුනගේ ස්ථිර විකුණුම් සැල් ගොඩ නගනු ඇති බවක් නිගමනය කළ හැක.

10. Intel චිප් තාක්ෂණය Android දුරකතන වලට පිවිසීම
Intel සමාගම ඔවුන්ගේ ම දුරකතන නිපදවා ඇති බවක් පෙනී ගිය හෙයින් ලබන වසරේ දී Intel සමාගම තම චිප් තාක්ෂණය Android දුරකතන වල අන්තර්ගත කිරීම පිළිබඳව පෙර නිගමනයකට එළැඹිය හැකිය.

11. NVIDIA සමගමේ Tegra 4 ප්‍රොසෙසරයට සුභ කළක්
ඇමරිකානු ඩොලර් බිලියනයක ආදායමක් ලබා දෙමින් NVIDIA සමාගමේ සිව් වන පරම්පරාවේ Tegra 4 ප්‍රොසෙසරය ලබන වසරේ දී නිකුත් විය හැකි අතර එම චිපය අන්තර්ගත ජංගම දුරකතන ද රැසක් වෙළඳ පොළට පැමිණිය හැක.

12. Amazon මගින් Android දුරකතනයක් එළි දැක්වීම
Amazon සමාගම දුරකතනයක් නිශ්පාදනය කරතැයි බොහෝ කලක සිට කටකතා පැතිරෙමින් තිබිණ. මේ හා සැසඳීමේදී 2013 දී Android දුරකතනයක් නිපදවනු ඇතැයි බලාපොරොත්තු විය හැකි අතර එය Kindle Phone ලෙසින් නම් විය හැක.

13. HTC සමාගමේ Sense 5.0 අතුරු මුහුණතේ ආගමනය
ලබන වසරේ පැවැත්වෙන Mobile World Congress 2013 සමුළුවේ දී HTC සමාගම තම නවතම දුරකතනයන් හී පවතින Sense 5.0 අතුරු මුහුණත එළි දැක්විය හැකිය.

Thursday, December 13, 2012

Nexus 4 ජරමරේ

පසුගිය දින කිහිපය Google සහ LG සමාගම් ද්විත්වයට ම බෙහෙවින් කාර්යබහුල වූ දින කිහිපයක් වීය. ඊට හේතුව වූයේ Google සමාගම ඔක්තෝබර් 29 වැනි දින Nexus උපාංග එළි දැක්වීම සහ නොවැම්බර් මස 13 වැනි දින ඒවා අන්තර්ජාලය හරහා ඇනවුම් කිරීමට ඉඩ සැලසීමයි. මෙම එළි දැක්වීම කෙසේ සාර්ථක වුවත්, එම උපාංග ඇනවුම් කිරීමේ සිට බෙදා හැරීම දක්වා වූ ක්‍රියාවලිය නම් ඉතාමත් අසාර්ථක මට්ටමක පැවතුණු දෙයක්. මේ හේතුවෙන් Google සමාගමට තම පාරිභෝගිකයන්ගේ බොහෝ අපවාදයන්ට ඇහුම්කන් දීමට පවා සිදු වූවා. මීට බෙහෙවින් හේතු වූයේ වෙනත් කවරදාකවත් නොතිබූ පරිද්දෙන් LG සමාගම මෙවර නිපදවූ Nexus 4 දුරකතනයට ඉතාමත් ඉහළ ඉල්ලුමක් පැවතීමයි. මේ හේතුවෙන් Google සමාගමේ අදාළ Play Store හි පෙර ඇණවුම් වෙබ් පිටුව පවා අක්‍රීය තත්ත්වයට පත් වූවා. මෙම ඉල්ලුම කෙතරම් වී ද යත් එය අන්තර්ජාලයට මුදා හැරි පළමු දිනය වන නොවැම්බර 13 වැනි දා අඩ හෝරාවක් ඇතුලත සියළුම දුරකතන විකිණී අවසාන වූවා. එම අවස්ථාවේ දී බොහෝ දෙනා හට නිතර දැක ගන්නට ලැබුනේ Google සමාගමේ තත්ත්වයෙන් බාල, එම අවස්ථාවේ දී නිතර දෝශ පෙන්නුම් කරනා වෙබ් පිටුවකි.

එදින දුරකතන සියල්ල විකිණී යාමෙන් අනතුරුව Google සමාගම නැවතත් නොවැම්බර් 27 වැනි දින මෙම Nexus 4 දුරකතනය පෙර ඇණවුම් කිරීම සඳහා Play Store හරහා අන්තර්ජාලයට මුදා හැරිය ද එදින ද බොහෝ දෙනාට මෙය මිල දී ගැනීමට නොහැකි වූ අතර පෙර කී දෝශයන් රැසට මුහුණ දීමට ද සිදු විය. මේ පිළිබඳව Google සමාගම පෙර දැනුවත් වීමකින් නොසිටියා ද, නැතහොත් මෙතරම් ඉල්ලුමක් පැවතේදෝයි නොසිතුවාදැයි යන්න පිළිබඳව නිෂ්චිත නිගමණයකට එළැඹිය නොහැකිය. නමුත් ඔවුනගේ බාළ තත්ත්වයේ මේ මුදා හැරීම හේතුවෙන් බොහෝ පාරිභෝගිකයන් ඉමහත් අපහසුතාවයටත් කණස්සල්ලටත් පත් වූ බව අන්තර්ජාලය පුරා ඔවුන් විසින් පළ කරන ලද ප්‍රකාශයන්ගෙන් දැක ගැනීමට හැකි වූවා.

මෙහි දී එක් වෙබ් අඩවියක් මෙම සිදු වූ දෝශයන් පැහැදිළි කර තිබුණේ ඉතාමත් අපූරු ආකාරයකින්. යමෙක් සුපිරි වෙළඳ සැලකට ගොස් තමා කැමැති භාණ්ඩය ලබා ගැනීමට පෝළිමේ සිට එය ලබා ගෙන අයකැමි වෙතට පැමිණි විට අදාළ භාන්ඩ මිල දක්වන යන්ත්‍රය අක්‍රීය වීම හේතුවෙන් අයකැමි තමා ලබා ගත් භාණ්ඩය රැගෙන නැවතත් තිබූ තැනින් තබා පාරිභෝගිකයා හට නැවතත් උත්සාහ කර අදාළ භාණ්ඩය රැගෙන ඒමට පවසයි. එවිට දී නැවතත් පැමිණ සිටිනා අනෙකුත් පාරිභෝගිකයන් සමග පොර කා අදාළ භාණ්ඩය රැගෙන අයකැමි වෙත පැමිණි විට නැවතත් ඔහු එය රැගෙන තිබූ තැනින් තබයි. නමුත් මෙවර පාරිභෝගිකයා අදාළ භාණ්ඩය ගැනීමට එය වෙත යාමේ දී එම භාණ්ඩයේ තොග අවසන් වී ඇති බව දැන ගනී. පසුගිය දින වල දී Nexus 4 දුරකතනය ඇනවුමේ දී ද මේ හා සමානම ක්‍රියාවලියක් Google Play Store හී දී ද සිදු විය.

මීට අමතරව LG සමාගම මගින් Google සමාගමට අවශ්‍ය කරනා තොග ලබා දීමට ප්‍රමාද වීමත් හේතුවෙන් නොවැම්බර් 13 වනදායින් අනතුරුව නැවතත් ඇනවුම් කිරීමට ඉඩ ප්‍රස්ථාව ලබා දීමට හැකි වූයේ 27 වැනි දිනයි. එමෙන්ම මෙම ප්‍රමාදය හේතුවෙන් ඇණවුම් කළ දුරකතන අදාළ පාරිභෝගිකයන් හට යැවීමට දිනක් හෝ දින 2 ක් පමණ ගත වෙතැයි කළ අනුමානය සති 4 සිට 5 දක්වා මුල දී සහ පසුව සති 7 සිට 9 දක්වා ද දීර්ඝ වූවා. මෙමගින් ද බොහෝ පාරිභෝගිකයන් අපහසුතාවන්ට ලක් වූවා පමණක් නොව කණස්සල්ලට ද පත් විය.

කෙසේ නමුත් Google සමාගම මෙම තත්ත්වයන් මගහරවා ගෙන තම වටිනා පාරිභෝගිකයන් හට උපරිම සහ කාර්යක්ෂ්‍යම සේවාවක් සපයන්නට වග බලා ගත යුතුය. මන්දයත් මෙයින් Google සමාගම අහිමි කර ගන්නේ අති විශාල මුදල් ප්‍රමාණයක් මෙන්ම තම වටිනා ලෝක ව්‍යාප්ත පාරිභෝගික පිරිසයි.




Tuesday, November 13, 2012

විනාඩි 30න්, Nexus 4 ඉවරයි

ඊයේ දිනයේ දී එනම් නොවැම්බර් 13 වැනි දිනටනියමිතව තිබූ පරිදි Google සමාගම විසින් තම නවතම Nexus උපාංග පෙළ Google Play Store හරහා ඇණවුම් කිරීමට ඉඩ සලසා දෙනු ලැබුවා. එය ආරම්භ වන්නට යෙදුනේ ශ්‍රී ලංකාවේ වේලාවෙන් රාත්‍රී 10:30 ට පමණය. නමුත් පුදුමය දනවන කරුණක් වන්නේ මෙසේ අලෙවියට විවෘත කර අඩ හෝරාවක් ගත වන්නට මත්තෙන් සියළුම Nexus 4 ජංගම දුරකතන විකිණී අවසාන වීමයි. මේ හේතුව නිසා Nexus ලෝලීන් බොහෝමයක් දෙනාට තමන් බලාපොරොත්තු වූ ආකාරයට පළමු අවස්ථාවේදී ම Nexus 4 ජංගම දුරකතන ඇණවුම් කිරීමට නොහැකි වූවා මෙන්ම ඒ සඳහා අදාළ Play Store වෙබ් පිටුවට බොහෝ දෙනා පැමිණීම හේතුවෙන් විවිධ ගැටළු රාශියක් ම උද්ගත වී තිබිණ. මෙහි ප්‍රතිඵලයක් ලෙසින් විවිධ දෝශ වලට එම ලෝලීන්ට මුහුණ පෑමට ද සිදු විය.


ඉතාමත් සීමිත සහ වාසනාවන්ත වූ අයට පමණක් ගිගා බයිට් 8 සහ 16 මාදිලි ඇණවුම් කර ගැනීමට හැකියාව ලැබී තිබිණ. කෙසේ නමුත් මේ වන විට තොග අවසන් වීම හේතුවෙන් Google Play Store හරහා Nexus 4 ජංගම දුරකතන ඇණවුම් කිරීමට නොහැකි තත්ත්වයක් උදා වී ඇත. මෙම තත්ත්වය Google විසින් නැවතත් උපාංග ඇණවුම් කිරීමට හැකි වන සේ පැය කිහිපයක් ඇතුලත වෙනස් කරනු ඇත. Nexus 4 දුරකතනයට ඉල්ලුම වැඩි වීම හේතුවෙන් ඊට සෑහෙන සැපයුමක් Google සමාගමට ලබා දීමට නොහැකිව එවැනි තත්ත්වයක් උදා වූවත් Nexus 10 ටැබ්ලට් පරිගණකය තවමත් Google Play Store හරහා ඇණවුම් කිරීමේ හැකියාව පවතී.


Monday, November 12, 2012

අද සිට Nexus සහ Android 4.2 ඔබට

අද නොවැම්බර් මස 13 වැනි දා. අද දවස Android ලෝලීන්ට විශේෂ වන හේතුවක් තිබෙනවා. එනම් පසුගිය මස 29 වැනි දා එළි දැක්වූ නවතම Nexus උපාංග පෙළ අද සිට මිල දී ගැනීමට ඇති හැකියාව. එනම් Google Play Store හරහා ඔබට අද සිට ඇණවුම් කර ලබා ගත හැකියි. නමුත් මේ සඳහා සැපිරිය යුතු කරුණු කිහිපයක් ම තිබෙනවා.

මීට බලපාන එක් කොන්දේසියක් නම් Google Play Store ශ්‍රී ලංකාවට බල නොපැවැත්වීම. වෙනත් අයුරකින් පවසනවා නම් ලාංකිකයන්ට එය හරහා කිසිදු උපාංගයක් අන්තර්ජාලය හරහා ලංකාවේ සිට ඇණවුම් කිරීමට නොහැකියි. ඇමරිකාව, ඕස්ට්‍රේලියාව වැනි රටක ජීවත් වන අයෙකු නම් පහසුවෙන් ම අන්තර්ජාලය ඔස්සේ මේ භාන්ඩ ඇණවුම් කර ලබා ගැනීමේ හැකියාව පවතී. එබැවින් ඔබට විදේශීය ප්‍රොක්සියක් භාවිතා නොකර Google Play Store හරහා කිසිදු භාණ්ඩයක් මිල දී ගැනීමට හැකියාව නොලැබෙනු ඇත. 

මීට අමතරව මෙවර දී Google Play Store විසින් තවත් කොන්දේසියක් පනවා තිබෙනවා. එනම් ඔබ යම් රටකට විවෘත Play Store එකක් හරහා ණය (Credit) කාඩ් පතකින් මුදල් ගෙවා ඇණවුමක් කරනවා නම් ණය කාඩ් පතෙහි ඇති ලිපිනයෙහි සඳහන් රට අදාල Play Store හි රටට සමාන විය යුතුයි. ඔබ සිතා සිටිනවා නම් විදේශයක සිටින්නෙකු හට ඔබේ කාඩ්පතේ තොරතුරු ලබා දී මෙම උපාංගයක් ලබාගෙන ඔවුන් හරහා ලංකාවට ගෙන්වා ගැනීමට, මෙවර දී එය සාර්ථක නොවනු ඇති.

ඉතින් මේ කොන්දේසි ද්විත්වයට යටත්වයි ඔබට නවතම Nexus උපාංග ලබා ගැනීමට හැකියාව ලැබෙන්නේ. එසේ නොහැකි නම් වෙනත් වෙළෙන්දෙකු හරහා මෙම උපාංග වල මිල මින් දෙගුණයක පමණ මුදලක් ගෙවා ලබා ගන්නට සිදු වනු ඇත. 

මීට අමතරව නවතම Android 4.2 Jelly Bean සංස්කරණය ද අද දින අනෙකුත් Nexus උපාංග සඳහා නිකුත් කර ඇත. මේ වන විට වාර්තා වන්නේ GSM සබඳතාව සහිත Galaxy Nexus ජංගම දුරකතන සඳහා පමණක් මෙම යාවත්කාලීනය ලැබී ඇති බවයි. නුදුරේදී ම ලාංකික ඔබ සැමටත් Nexus උපාංග පරිශීලනය කරමින් නවතම Android අත්දැකීම ද ලැබීමට හැකියාව උදා වෙනු ඇති.

Monday, November 5, 2012

LG Nexus 4 මිල ඉහළ යයි

අන්තර්ජාලයෙන් අළුතෙන් ම වාර්තා වන අසුභදායක පුවතක් පිළිබඳව අවධානය යොමු කිරීමටයි මේ සැරසෙන්නේ. එනම් දෙසතියක්ටත් නො අඩු කාලයක් තුල Google සමාගම විසින් එළි දැක්වුණු LG සමාගමේ Nexus 4 ස්මාර්ට් ජංගම දුරකතනය පාරිභෝගිකයන් මිල දී ගන්නා ස්ථානය අනුව එහි මිල විශාල වෙනස්කමකට භාජනය වීමේ හැකියාවක් පවතින බව වාර්තා වෙනවා.

මෙනිසා LG Nexus 4 දුරකතන ආකර්ශනීය ඉතාමත් ම අඩු මිලකට මිල දී ගත හැකි එකම ස්ථානය Google Play Store වනු ඇති බවටයි බොහෝ දෙනාගේ මතය වන්නේ. එනම් ඇමරිකානු ඩොලර් 300 ක පමණ මිලකටය. ඒ හැරුණු කොට මෙම දුරකතනයේ සැපයුම්කරුවන් වන LG සමාගම හරහා Nexus දුරකතන ලබාගෙන අලෙවි කරන අනෙක් සියළුම ස්ථාන වල මිල Google Play Store හි අගයට වඩා බෙහෙවින් ඉහළ යනු ඇත. දැනට වාර්තා වන දත්ත වලට අනුව මෙහි මිල යූරෝ 599 ක් නැතහොත් සාමාන්‍ය මිල මෙන් දෙගුණයක මිලක් වනු ඇත.

ඔබ Google සමාගම හරහා මෙය මිල දී ගනී නම් මේ පුවත එතරම් බලපාන ගැටළුවක් ඇති නොකළ ද වෙනත් ස්ථාන වලින් මිලදී ගැනීමට, එසේත් නැති නම් තම රටේ වෙළඳ සැල් වලින් ලබා ගැනීමට බලාපොරොත්තුව සිටී නම් මෙය ඔබේ බලාපොරොත්තු සුන් කරවන හෝ ඔබව පසුබෑමකට ලක් කරනා පුවතක් වනු නොඅනුමානය. කෙසේ නමුදු Google Play Store හරහා Google සමාගමට Nexus 4 ජංගම දුරකතනය අලෙවි කළ හැක්කේ ඔස්ට්‍රේලියාව, ප්‍රංශය, ජර්මනිය, ස්පාඥ්ඥය, කැනඩාව, පෝට රිකෝ ඇතුලත්ව ඇමරිකා එක්සත් ජනපදය යන රටවලටය.

ඉහත සඳහන් රටවල ජීවත් නොවන සියල්ලන්ට ම LG සමාගමේ ඉහළ මිල ගණන් වලට යටත්ව මෙම දුරකතනය මිල දී ගැනීමට සිදු වනු ඇත. නැතහොත් වෙනත් මාර්ගයකින් ලබා ගැනීමට සිදු වනු ඇත.

Monday, October 29, 2012

නව Nexus උපාංග පෙළ දැන් Google වෙතින්

ඔක්තෝබර් 29 වැනිදා පිළිබඳව Android ලෝලීන්ගේ තිබූ කඩ වුණු බලාපොරොත්තුවට නැවතත් පණ දෙමින් ඔවුනගේ සිහින බොඳ නොකරමින් Google සමාගම 29 වැනිදා ම ඔවුනගේ නවතම Nexus උපාංග පෙළ නිල වශයෙන් ප්‍රකාශයට පත් කර තිබෙනවා. එළි දැක්වීමේ උත්සවයක් නොපැවැත්වුව ද එහි අදහස එවන් අවස්ථාවක් මෙවන් නව පන්නයේ උපාංග එළි දැක්වීමක් සඳහා අත්‍යාවශ්‍ය ම නැති බවයි. එහෙයින් Google සමාගම මගින් Nexus පවුලේ නවතම සාමාජිකයන් මෙලෙස 29 වැනි දා අන්තර්ජාලය ඔස්සේ මුළු ලෝකයට ම නිරාවරණය කරනු ලැබුවා. ආරංචි මාර්ග වලට අනුව මේ වන විට මේ එළි දැක්වීමත් සමග ම Nexus පිළිබඳව කෙරෙන කතා බහ අනෙක් සියළුම එළි දැක්වීම් වලට වඩා වැඩි වී ඇති බව වාර්තා වනවා.

මෙලෙස Nexus පවුලට එකතු වන නවතම උපාංග වන්නේ LG සමාගමේ Nexus 4 ස්මාර්ට් ජංගම දුරකතනයත්, Asus සමාගමේ Nexus 7 ටැබ්ලට් පරිගණකයේ ගිගාබයිට් 32ක් වන මාදිලිය සහ Samsung සමාගමේ Nexus 10 ටැබ්ලට් පරිගණකයයි. මේ නිල ප්‍රකාශයත් සමග ම Google සමාගම තම Google Play Store වෙත නවතම Nexus උපාංග ත්‍රිත්වය ද ඒවායේ අනෙකුත් මාදිලි ද ඇතුලත් කොට යාවත්කාලීන කොට තිබෙනවා. මීට අමතරව පැවසිය යුතු අනෙක් කරුණ නම් මේ උපාංග වල ඇදහිය නොහැකි මිල ගණන්. මන්දයත් වර්තමාණයේ නම ගිය ජංගම උපාංග නිර්මාණ සමාගම් මගින් නිපදවන ලද මේ උපාංගයන් අන් සියළුම ජංගම උපාංග වලට සාපේක්ශව මිලෙන් ඉතා අඩු වීමයි.

LG Nexus 4 හි ගිගා බයිට් 8 මාදිලිය ඇමරිකානු ඩොලර් 299 කටත්, ගිගාබයිට් 16 මාදිලිය ඇමරිකානු ඩොලර් 349 කට නොහොත් පෙර දී Galaxy Nexus දුරකතනය පැවති මිල‍ට ම ලබා දීම සුවිශේෂී කාරණාවක්. තව ද, Samsung Nexus 10 ටැබ්ලට් පරිගණකයේ ගිගාබයිට් 16 මාදිලිය ඇමරිකානු ඩොලර් 399 කටත්, ගිගාබයිට් 32 මාදිලිය ඇමරිකානු ඩොලර් 499 කටත් සලකුණු කර තිබෙනවා. Nexus 7 ටැබ්ලට් පරිගණකයේ ගිගාබයිට් 16 මාදිලිය ඇමරිකානු ඩොලර් 199 කටත්, ගිගාබයිට් 32ක් වන නවතම මාදිලිය ඇමරිකානු ඩොලර් 249 කටත් ලබා දීමට නියමිතයි. මේ මිල ගණන් Apple සමාගමේ සියළුම උපාංග හා සසඳා බලද්දී ඉතාමත්ම අඩු මට්ටමක පවතින, පාරිභෝගිකයන්ට පහසු මිලකින් යුතු වන බැවින් Apple iPad, iPad Mini, iPhone 5 අභිබවා ජනතාව අතරට යතැයි සිතිය හැකිය. මේ උපාංග Nexus පාරිභෝගිකයන් හට ලබා ගැනීමට හැකි වනුයේ නොවැම්බර් මස 13 වන දා සිටයි.

Nexus 10 ටැබ්ලට්ටුවේ ඇති අංග පිළිබඳව නිල වශයෙන් නිකුත් වූ Google Play Store පිටුවෙහි ඇති විස්තර කෙටියෙන් සලකා බැලුවහොත්, පික්සල් විභේදනය 2560 x 1600 වන අඟලකට පික්සල් 300ක් වන, අඟල් 10.055 ක WQXGA තිරයකින් හැඩ වී Corning සමාගමේ Gorilla Glass 2 වීදුරුවකින් ආරක්ෂා වී පැමිණෙන්නක්. ග්‍රෑම් 603 ක බරින් යුතු, A15 Dual Core ප්‍රොසෙසරයකින් ජව සම්පන්නවත්, ගිගාබයිට් 2ක මතකයකිනුත්, මෙගා පික්සල් 5ක ප්‍රධාන සහ මෙගා පික්සල් 1.9ක ඉදිරිපස කැමරා වලීන් ද, NFC, Bluetooth, Wi-Fi සබඳතාවෙන් ද පෝශණය වී ඇත. මෙයට බලය සපයන්නේ 9000mAh වන Lithium Polymer බැටරියකිනි. තව ද Micro USB, Micro HDMI විවර ද මෙහි අන්තර්ගතය. ප්‍රමාණය පිළිබඳව සැලකුවහොත් මෙය දිගින් 263.9mm ක් ද, පළලින් 177.6mm ක් ද, ඝණකම 8.9mm ක් ද වේ.

ඉතින් Android ලෝලීන් හට සතුටුදායක මේ පුවත හදිසි වාතාවරණයක් යටතේ වුව ද Google සමාගම විසින් තම පාරිභෝගිකයන් කණස්සල්ලට පත් නොකරමින් ලබා දීම Google සමාගම පිළිබඳව යහපත් ප්‍රතිරූපයක් ඇති කර ගැනීමට හේතු වනු ඇත. නැවතත් අපට බලා සිටීමට මින් ඉදිරියට එකතු වන දින 2 වනුයේ තවමත් ප්‍රකාශයට පත් නොකළ මේවායේ හඳුන්වා දීමේ උත්සවය පැවැත්වෙන දිනය සහ නොවැම්බර් 13 වැනිදායි.




LG Nexus 4 නිල වශයෙන් ප්‍රකාශයට පත් කරයි

අයහපත් කාලගුණය හේතුවෙන් 29 වැනිදාට පැවැත්වීමට නියමිතව තිබූ Google සමාගමේ විශේෂ උත්සවය කල් ගිය ද එදින නිකරුනේ අපතේ යාමට මේ වන විට Google සමාගමත්, LG සමාගමත් කටයුතු කර තිබෙනා පුවතක් අන්තර්ජාලයෙන් වාර්තා වනවා. එනම් අන් කිසිවක් නොව සියළු දෙනා බලාපොරොත්තුවෙන් සිටි LG සමාගම විසින් මෙවර නිර්මාණය කරන ලද LG Nexus 4 සුපිරි ජංගම දුරකතනය නිල වශයෙන් ප්‍රකාශයට පත් කිරීමයි. මොවුන් මෙය සිදු කර ඇත්තේ Microsoft සමාගම විසින් පවත්වන්නට නියමිත තවත් එළි දැක්වීමක උත්සවයක ආරම්භයට පැයකට පෙරයි. කෙසේ නමුත් මේ සමගම ඔබ අප කවුරුත් මේ වන තෙක් දැන සිටි කරුණු රාශියක් ම මේ ප්‍රකාශයට පත් කිරීමත් සමගම තහවුරු වන අතරම තවත් නොදන්නා තොරතුරුත් හෙළි වී ඇත.

එම නිල තොරතුරු අනුව Nexus 4 ජංගම දුරකතන ඉතාමත් වේගවත් Krait CPU සහිත 1.5GHz Quad Core Snapdragon S4 Pro නම් වන ප්‍රොසෙසරයකින් ජව සම්පන්න වන අතර අඟල් 4.7ක් වන, පික්සල් විභේදනය 1280 x 768 ක් වන WXGA True HD IPS Plus තිරයකින් වර්ණවත් වන අතර ම එය Corning සමාගමේ Gorilla Glass 2 වීදුරුවක් මගින් ආරක්ෂිත වනු ඇත. එමෙන්ම ගිගාබයිට් 2ක මතක ධාරිතාවක් පවතින මෙහි මෙගාපික්සල් 8ක ප්‍රධාන පසුපස කැමරාවක් සහ මෙගාපික්සල් 1.3ක් වන ඉදිරිපස කැමරාවකින් පෝශණය වෙයි. මෙම දුරකතනයට බලය සපයනුයේ 2100 mAh වන බැටරියකින් වන අතර කතා කාලය පැය 15.3 ක් පමණ වනු ඇත.

Nexus 4 දුරකතනයේ පෙර කියූවාක් මෙන්ම NFC තාක්ශණයෙන් යුත් වන අතර Android 4.2 Jelly Bean මෙහෙයුම් පද්ධතිය මගින් ක්‍රියා කරයි. මෙම නව Android අනුවාදයෙන් හෙළි වන එක විශේෂාංගයක් වන්නේ "PhotoSphere" වන අතර එය බොහෝ දුරට Microsoft හි "PhotoSynth" ට සමානතාවක් දක්වයි. මෙයින් සිදුවන්නේ දුරකතනය මගින් ලබා ගන්නා ඡායාරූප කිහිපයක් ගැලපෙන ලෙසින් එකිනෙක එකතු වී තනි රූප සෑදීමේ හැකියාව ලැබීමයි. තව ද දුරකතනයේ Settings එකම තැනකින් පහසුවෙන් වෙනස් කළ හැකි සහ පහසුවෙන් පිවිසිය හැකි පැනලයක් ද මෙහි අන්තර්ගතයි.

දිග 133.9mm ක් ද, පළල 68.7mm ක් ද, ඝණකම 9.1mm ක්ද වන LG Nexus 4 දුරකතනයේ බර ග්‍රෑම් 139ක් පමණි. එනම් මෙය Galaxy Nexus දුරකතනයට වඩා මඳක් කොට, මඳක් පළල, සහ මඳක් ඝණකම දුරකතනයකි. මේ දුරකතනයේ ප්‍රකාශයට පත් කිරීම මගින් හෙළි වන තවත් කරුණක් නම් එහි ජාල සබඳතාව ඇත්තේ GSM සහ HSPA+ ජාල වලට පමණක් වන බවත් LTE ජාල සඳහා සම්බන්ධ වීමේ පහසුකම මෙහි අන්තර්ගත නොවීමයි.

තව ද Nexus 4 දුරකතනය, අභ්‍යන්තර ගබඩා ධාරිතාව ගිගා බයිට් 8 සහ 16 වන මාදිලි 2කින් නිකුත් වන අතර Google Play Store හරහා මිල දී ගැනීමට ඇමරිකා එක්සත් ජනපදය, එංගලන්තය, කැනඩාව, ජර්මනිය, ප්‍රංශය, ස්පාඥය සහ ඕස්ට්‍රේලියාව යන රටවලට නොවැම්බර් 13 වන දා සිට ඉඩ ලැබෙනු ඇත.

අළුතෙන්ම ලැබෙන පුවත් වලට අනුව මෙහි ගිගාබයිට් 8 මාදිලිය ඇමරිකානු ඩොලර් 299 ක් වන අතර ගිගාබයිට් 16 මාදිලිය ඇමරිකානු ඩොලර් 349ක් වනු ඇත.






Sunday, October 28, 2012

LG Nexus 4 වල අත්පොත පිට වෙයි

LG-E960 යන සංකේත නාමයෙන් හඳුන්වන LG සමාගම විසින් නිපදවූ අළුත්ම Nexus දුරකතනය 29 වැනිදා නිකුත් වීමට තිබුණ ද හදිසියේ ඇති වූ සුළි කුනාටුවක් හේතුවෙන් Google සමාගමට එය දින නියමයක් නොමැතිව කල් දැමීමට සිදුව තිබීමෙන් Nexus 4 දුරකතනය Android සහිත ජංගම දුරකතන ලෝලීන්ගේ අතට පත් වීමට තව සුළු කාලයක් ගත වීමට පිළිවන. Google සමාගම එම උත්සවය නිව්යෝක් නගරයේ ම පවත්වන්නට බලාපොරොත්තු වන්නේ නම් නව දිනය තවත් සතියක පමණ ප්‍රමාදයකින් දැනුම් දෙනු ඇත.

එය එසේ වුවත් වර්තා වන තවත් අළුත් ම පුවතක් වන්නේ Nexus දුරකතනයේ සේවා අත්පොතක් මේ වනවිට අන්තර්ජාලයට නිකුත් වී තිබීමයි. එය සිදු කර ඇත්තේ LG සමාගම විසින්ම ඔවුනගේ වෙබ් අඩවියේයි. නමුත් ඊට අදාළ වන සබැඳිය මේ වන විට අක්‍රීය තත්වයේ පවතින්නක්. මෙම පිටවී ඇති අත්පොත මගින් හෙළි වන කරුණු අතරින් වඩාත් වැදගත් වන කරුණ නම් Nexus 4 ජංගම දුරකතනයේ අභ්‍යන්තර ධාරිතාව ගිගාබයිට් 8 සහ 16 යන මාදිලි 2කින් පැමිණෙන බව. තව ද රැහැන් රහිත ආරෝපණය කිරීමේ හැකියාවත් ඇති බව ඉන් හෙළි වේ. දුරකතනයේ අංග පවතින්නේ කිනම් ස්ථාන වලදැයි යන්න පිළිබඳව මනා අවබෝධයක් මෙම අත්පොත මගින් දැන ගැනීමට ලැබී ඇත.

එම පිට වූ අත්පොත පහත සබැඳියෙන් ලබා ගන්න.


Sandy නිසා Nexus එළි දැක්වීම කල් යයි

අන්තර්ජාලයේ තත්පරයෙන් තත්පරය අළුත් වන ජංගම උපාංග පිළිබඳ පුවත් වල දායකත්වයෙන් Google සමාගම කුමක් තම ජංගම උපාංග පරිශීලනය කරන්නන් වෙනුවෙන් නිකුත් කිරීමට යනවාදැයි යන්න පිළිබඳව මනා අවබෝධයක් Android ලෝලීන් හට දැනටමත් ලැබී ඇතැයි සිතිය හැකිය මන්දයත් ඔක්තෝබර් 29 වැනිදාට නිව්යෝක් නගරයේ දී Google සමාගම ඔවුනගේ නවතම නිර්මාණ පොදියක් ම තම පාරිභෝගිකයන් හට හඳුන්වා දීමට මේ වන විට සියළුම සැලසුම් ක්‍රියාත්මක වෙමින් පැවතුණු නිසා. 

නමුත් අදාළ දිනට එනම් 29 වැනිදාට පෙර දිනයේ දී ඇමරිකාවට හඹා ආ "Sandy" යන නාමයෙන් හඳුන්වන දරුණු සුළි කුණාටුවක් හේතුවෙන් මෙසේ 29 වැනිදාට පැවැත්වීමට නියමිතව සංවිධානය කර තිබූ උත්සවය දින නියමයක් නොමැතිව කල් දැමීමට සිදුවී ඇති බව Google සමාගම විසින් තම ආරාධිතයන් වෙත ප්‍රකාශයක් නිකුත් කරමින් යවා තිබෙනවා. මේ උත්සවය පැවැත්වීමට නියමිතව තිබූ නිව්යෝක් නගරයේ අදාළ ස්ථානය ජල තීරයක් අසබඩ පැවතීමත්, එම ස්ථානයෙන් මේ වන විට සියළු දෙනා ඉවත් කරමින් පවතින බවත් අන්තර්ජාලයෙන් වාර්තා වනවා. නිව්යෝක් නගරය හදිසි ආපදා තත්ත්වයක පවතින බවට ප්‍රකාශයට පත් කොට ඇති බවත් වැඩි දුරටත් වාර්තා වනවා. 

ආරාධිතයන් වෙත Google සමාගම විසින් යවන ලද පණිවිඩය මෙලෙස වේ. 

"We are canceling our Monday morning event in New York due to Hurricane Sandy. We will let you know our plans as soon as we know more. 
Stay safe and dry, 
The Android Team" 

Google සමාගම 29 වැනි සඳුදා දිනයේ දී තම නවතම Android උපාංග වන LG සමාගමේ Nexus 4 ජංගම දුරකතනයත්, Samsung සමාගමේ Nexus 10 ටැබ්ලට් පරිගණකය හා Asus සමාගමේ Nexus 7 ටැබ්ලට් පරිගණකයේ ම ගිගා බයිට් 32ක ධාරිතාවකින් හෙබි වැඩි දියුණු කරන ලද ටැබ්ලට් පරිගණකයත් ලෝකයට හඳුන්වා දීමට නියමිතව පැවතියේ ය. එපමණක් නොව එදින දී Android මෙහෙයුම් පද්ධතියේ 4.2 වන අනුවාදයත් නිකුත් කිරීමටයි සැදී පැහැදී සිටිනු ලැබුවේ. 

දින නියමයක් නොමැතිව හදිසි තත්ත්වයක් හේතුවෙන් මෙසේ කල් ගිය, සියළු දෙනා බලා සිටි මෙම අවස්ථාව අනිවාර්යෙන් ම Google සමාගම තුලින් ඉතා ඉක්මණින් ම නැවතත් ඉදිරි දිනක දී පවත්වනු ඇතැයි බොහෝ දෙනාගේ විශ්වාසයයි. කෙනමුත් Google සමාගම මේ පිළිබඳව නුදුරේදී ම දැනුන්ම් දෙන බවත් පවසා තිබෙනවා.

Monday, October 15, 2012

Sony සමාගමෙනුත් Nexus එකක්?

හදිසියේම Nexus උණුසුමට එකතු වුනු මේ ආරංචිය තවත් Nexus නිශ්පාදකයෙක් පිළිබඳවයි. නමුත් මේ තොරතුර තවමත් සත්‍ය ද අසත්‍ය දැයි වාර්තා වන්නේ නෑ. මීට ප්‍රධානතම හේතුව නම් අන්තර්ජාලයට පිට වී ඇති Sony සමාගමෙන් නිපදවා ඇතැයි අනුමාන කරනා Nexus දුරකතනයක ඡායාරූප පිට වී තිබීමයි.

එම රූප වල දිස්වෙන ආකාරයට මෙහි පිටුපස Google සමාගමේ ලාංඡනය ද ඇතුලත්. අන්තර්ජාලයෙන් වර්තා වෙන මෙම Sony සමාගම නිපදවා ඇතැයි සැක පහළ කරන Nexus දුරකතනය හඳුන්වන්නේ Sony Nexus X ලෙසිනි. මෙම නෙක්සස් X යන නාමය පැමිණියේ කෙසේ දැයි තවමත් නිගමණය කිරීමට නොහැක. නමුත් මෙහි හෙළි නොවූ අර්ථය Sony Xperia Nexus ද විය හැකිය.

මේ ඡායාරූප අන්තර්ජාලයට මුදා හැර තිබෙන්නේ Mutul Yeter නැමැත්තෙක්. මේවායේ දක්නට ලැබෙන පරිදි මෙම දුරකතනය අනෙක් Sony දුරකතන වල හැඩයට බෙහෙවින් සමානතාවක් ද දක්වයි. මෙහි තිරය මත තිරයෙන් දර්ශණය කරනා බොත්තම් පමණක් දැකිය හැකිය. එමෙන්ම නියම Android ධාවනය වනුත් දැකිය හැකිය.

මීට පෙරදී අසන්නට ලැඹුණු පරිදි Sony, Samsung, LG ආයතන Nexus දුරකතන නිපදවතැයි කියනා කටකතාවෙහි උණුසුම වැඩි කරවන මේ පුවත මගින් Nexus දුරකතන ද්විත්වයක් දැනටම නිපදවී හමාර දැයි සැකයක් ද හිතට පහළ කරවන්නක්.

මේ පුවත සහ පිටවී ඇති රූප පිළිබඳව අන්තර්ජාලයෙන් වාර්තා වන තවත් විශේෂ කරුණක් වේ. එනම් මේ ඡායාරූප Photoshop හරහා වෙනස් කිරීමකට භාජනය කරන ලද ඒවා බවයි. මීට හේතුව මේ රූප විශාලනය කර බැලීමේදී දුරකතනය පිටුපස ඇති Google සමාගමේ ලාංඡනය වටා සුදුමැලි ගතියක් පැවතීමයි. මේ බව පවසන්නේ Photoshop පිළිබඳව විශේෂඥ දැනුමක් පවතින Clark නැමැත්තෙකි. එබැවින් ඔහු මෙම ඡායාරූප නිරීක්ෂණයෙන් අනතුරුව පවසන්නේ මේවා පරිගණකයක් මගින් සෑදූවක් බවය.

මෙවර දී Nexus දුරකතන කීපයක් ම කරළියට පැමිණෙතැයි පහළ කරන සැකය මෙමගින් පහ වේ ද නැත් ද යන්න පිළිබඳව ඉදිරි දින කිහිපය තුලත් Android සම්බන්ධ පුවත් කෙරෙහි අවධානයෙන් සිටීමෙන් දැන ගත හැකි වනු ඇත.



Sunday, October 14, 2012

LG Nexus ටත් Wireless Charging

ලැබෙන ආරංචි මාර්ග අනුව LG Nexus දුරකතනය ඔක්තෝබර් අගදී එළි දැක්වීමට නියමිතය. නමුත් තවමත් පිට වී ඇත්තේ මූලාකෘතියක් වන Nexus දුරකතනයක් පමණි. මෙමගින් පමණක් අවසාන Nexus දුරකතනය කෙසේ වේදැයි නිශ්චිත නිගමනයකට පැමිණිය නොහැක. එහි ඇති අංග යම් තාක් දුරකට වෙනස් වීමට ද පිළිවන.

එනමුත් දැනට පිටවී ඇති මෙම Nexus දුරකතනයේ මූලාකෘති මට්ටමේ උපකරණයේ පිටුපස සඳහන් වී ඇති මොඩල් අංකය හෙවත් FCC ID එක හරහා සොයා බලන ලද කරුණු අනුව මෙතෙක් අනාවරණය නොවූ තොරතුරක් දැන ගන්නට ලැබී ඇත. එනම් මෙම දුරකතනයට රැහැන් රහිතව තම අභ්‍යන්තර බැටරිය ආරොපණය කර ගැනීමේ හැකියාවක් (wireless charging) පවතින ජංගම දුරකතනයක් බවයි. මෙහි පසුපස විවර කළ නොහැකි කවරය පිළිබඳව ද එම තොරතුරු වල සඳහන් වන්නේ රැහැන් රහිත බැටරි ආරෝපණ හැකියාව සහ NFC තාක්ෂණික උපාංග ද ඇතුලත් පසුපස කවරයක් ලෙසයි. කෙසේ නමුත් මෙම නව විශේෂාංගය වෙන ම පෑඩයක් මත දුරකතනය තබා ආරෝපණය කර ගත හැක්කක් ද එසේත් නැති නම් දුරකතනය තවත් උපාංගයක් මත රැඳවා ආරෝපණය කර ගත හැක්කක් ද කියා තවමත් හෙළි වී නොමැත.

තවත් දින 15 කින් එළැඹෙන ඔක්තෝබර් 29 වැනි දා මේ පිළිබඳව සියළුම විස්තර දැන ගැනීමට ලැබෙතැයි අපි බලාපොරොත්තු වෙමු.





Saturday, October 13, 2012

LG Nexus 4 හි මිල

කටකතාවක් ව පැවත දැනට සත්‍ය වී ඇති LG සමාගම විසින් නිෂ්පාදනය කරනා Nexus 4 දුරකතනයේ මිල කෙසේ විය හැකිද? දුරකතනය කෙසේ නිම වෙතත් එය පාරිභෝගිකයන් කරා ලඟා කරවීම සඳහා බලපාන ඉහළ ම සාධකය වන්නේ එහි මිලයි. මේ නව ජංගම දුරකතනයේ මිල ගණන් පිළිබඳවද අන්තර්ජාලයේ කටකතා පැතිර යන්නේ ද පෙරසේ ම වීම පුදුමයට කරුණක් නොවේ. මන්දයත් Nexus ලෝලීන් මෙය ලබා ගැනීමට බෙහෙවින් උනන්දුවෙන් පසු වීමයි.

ඔක්තෝබර් 29 වනදා එළි දැක්වෙතැයි සිතනා LG Nexus 4 දුරකතනයේ අභ්‍යන්තර ධාරිතාව ගිගා බයිට් 8ක් වන දුරකතනය ඩොලර් 399ක් විය හැකි බව අන්තර්ජාලයේ විවිධ මාර්ග ඔස්සේ දැන ගන්නට ලැබෙනවා. Google සමාගම මෙහි ගිගා බයිට් 16ක් වන දුරකතනයකුත් නිකුත් කරාවි යනු බොහෝ දෙනාගේ බලාපොරොත්තුවයි. මන්ද යත් දැනටමත් පවතින Samsung Galaxy Nexus දුරකතනය ගිගා බයිට් 16ක ධාරිතාවකින් පවතින්නක්. එබැවින් මෙම නව දුරකතනය ඊටත් වඩා අඩු වීම පිළිබඳව ජංගම දුරකතන පරිශීලකයින් පසුවන්නේ දැඩි කණස්සල්ලකින්. ඔවුන් එසේ අභ්‍යන්තර ගබඩා ධාරිතාව ගිගා බයිට් 16ක් වන දුරකතනයක් ද නිකුත් කළහොත් එය බොහෝ විට ඩොලර් 449ක් පමණ විය හැකි බවයි බොහෝ දෙනාගේ මතය.

දැනට පවතින Galaxy Nexus දුරකතනය ඩොලර් 349 කට Play Store හරහා මිලදී ගත හැකි නමුත් එහි අන්තර්ගත දෘඪාංග වර්තමානයේ පවතින දුරකතන නිර්මාණකරන තාක්ෂණ සමග බලද්දී යල් පණිමින් පවතින බවත් සඳහන් කළ යුතුයි. එබැවින් ඊට වඩා වැඩියෙන් ඩොලර් 50ක් හෝ වියදම් කිරීමෙන් දැනට පවතින හොඳම දුරකතන ප්‍රොසෙසරයක් වන Snapdragon S4 Pro ද, හොඳම තිරයක් වන True HD IPS+ ද, වැඩි දියුණු කළ කැමරාවක් ද, නව තාක්ෂණයකින් යුතු බැටරියක් ද ඇතුළුව අළුත්ම Android අනුවාදයක් ද ලබා ගත හැකි වේවි. 

බොහෝ දෙනා මෙහි අභ්‍යන්තර ගබඩා ධාරිතාවේ මදිකම පිළිබඳව කණස්සල්ලෙන් පසු වුවත් දැනට පවතින හොඳම Nexus දුරකතනය මෙය වන බව ද විශ්වාස කලාට වරදක් නොමැත. එබැවින් ඩොලර් 399 කට ඔබත් LG Nexus 4 දුරකතනයක් මිලදී ගන්න සිතනවා ද?


Tuesday, October 9, 2012

LG සමාගම Nexus නිපදවයි

තව දුරටත් නව Nexus දුරකතන පිළිබඳව කට කතා නොපතුරවමින් LG සමාගම ප්‍රථම වරට සිව් වන පරම්පරාවට අයත් Nexus දුරකතනයක් නිෂ්පාදනය කර තිබෙන බවට අන්තර්ජාලයේ Android සම්බන්ධ වෙබ් අඩවි කිහිපයක මේ වන විට පල වී ඇති LG Nexus දුරකතනයේ ඡායාරූප මගින් ඔප්පු වී හමාරය. 

ඡායාරූප වලට අනුව මෙය දැනට පවතින LG Optimus G සහ Samsung Galaxy Nexus දුරකතන වලට බෙහෙවින් සමාන හැඩහුරුකමක් දක්වයි. මෙහි දැනට Android 4.1.2 ධාවනය වන අතර එහි පිටත ආවරණය Galaxy Nexus හි පසුපස ආවරණයට සමාන නමුත් වෙනස් ම ආකාරයකින් නිම කර ඇත. එය මත ලියැවී ඇති "NOT FOR SALE HW REV 1.0" යනුවෙන් ලියැවී තිබීමත් එතරම් සුභාරංචියක් නොවන්නේ මෙය හුදෙක් LG සමාගම මූලාකෘති Nexus දුරකතනයක් ලෙසින් නිම කර ඇත්තක් විය හැකි බවට සැක පහළ වී ඇති හෙයිනි.

මෙහි පිටුපස ඇති FCC ID අනුව කළ සොයා බැලීම් වලදී දැන ගන්නට ලැබී ඇත්තේ එහි පසුපස ආවරණය ගැලවිය නොහැකි බවත්, සාමාන්‍ය ආරෝපණය කළ හැකි විවරයක් ද සහිතවත්, එලෙස පවතිනවාට අමතරව මෙම දුරකතනය රැහැන් රහිත ක්‍රමයක් මගින් ආරෝපණය කළ හැකි පහසුකමද සහිත දුරකතනයක් බවයි. HSPA සහිත මෙය තුන් ආකාරයක තරංග ලෙස 850MHz, 1700MHz සහ 1900MHz ග්‍රහණය කර ගැනීමට සමත් වූවක් වුවත් LTE සබඳතාව නොමැත්තක්.

තවද 1.5GHz Quad Core Snapdragon S4 ප්‍රොසෙසරයකින් ජවය සපයන, අඟල් 4.7 ක IPS තිරයකින් යුතු, වීදුරු වැනි පසුපස ආවරණයක් ද සහිත මෙහි SD කාඩ් මගින් අභ්‍යන්තර මතක ධාරිතාව ඉහළ නංවාලීමට Micro SD කාඩ් ඇතුලත් කළ හැකි විවරයක් නොවීම කණගාටුවට කරුණක්. නමුත් වාර්තා වන අන්දමට එය Google සමාගමේ Nexus දුරකතන වල දැකිය හැකි ලක්ෂණයකි. 

මෙය සම්බන්ධ තවත් තොරතුරු රැසක් සහ අනෙකුත් ආයතන වල Nexus නිර්මාණ පිළිබඳවත් ඉදිරියේදී දැන ගැනීමට ලැබෙනා තෙක් බොහෝ Android ප්‍රශීලකයන් නොඉවසිල්ලෙන් බලා හිඳී.



Monday, October 8, 2012

කිනම් ආයතනය මීළඟ Nexus එක හදාවිද?

මේ වසරේ මේ ගත වන්නේ මීළඟ Nexus උපාංගයක් දොරට වැඩිය හැකි කාලයයි. Google සමාගමේ මීලඟ නිමැවුමෙන් අප බලාපොරොත්තු වන දෑ දැනටමත් Android ලෝලීන් වශයෙන් අප සිතා ගෙන සිටීම පුදුමයට කරුණක් නොවේ. මන්දයත් Nexus උපාංග යනු ලෝකයේ අන් කිසිම Android ජංගම උපාංග පරිශීලකයන්ටත් ප්‍රථමව Google සමාගමෙන් නිකුත් වූ සැණින් ම හෝ ඊට නොබෝ දිනකින් හෝ අලුත්ම Android අනුවාදයන්ගේ පහස ලැබීමට හැකිත්, Android හි ඇත්ත ම අතුරු මුහුණත ද සහිත එකම උපාංග වර්ගය වීමයි. ගතවූ වසර කීපය තුලදී Android පරිශීලකයන් හට හිමිව ඇති Nexus ජංගම දුරකතන ප්‍රමාණය 3කි. එනම් HTC සමාගමෙන් නිපැයූ Nexus One, Samsung සමාගමේ Nexus S සහ Nexus ය.

කාල වකවානු නිර්ණය කිරීම් අනුව මීලඟ Nexus දුරකතනය හඳුන්වා දිය යුත්තේ ද මෙවැනි කාලයකදීයි. ඒ සමග පැන නැගෙන අනෙක් ප්‍රශ්ණය නම් කිනම් නිශ්පාදකයෙක් මේ කාර්යය වෙනුවෙන් Nexus දුරකතනයක් නිර්මාණයට පෙළඹේවිදෝ යන්නයි. මේ වන විට කසුකුසුවක් සහිත එවන් ආයතන කීපයක්ම ඇති අතර ඉන් Samsung, HTC, Motorola සහ LG ආයතන පවතිනවා. යම් එක් ආයතනයකට මේ සඳහා අවස්ථාව ලැබෙතත් මේ ආයතන 4 සතුවම Google වෙනුවෙන් මෙවැන්නක් නිමවන්නට සම හැකියාව ඇති බවත් පවසන්නට පිළිවන්. විශාල නමක් නොලත් ZTE වැනි ආයතන ගැන පවා පැවසිය හැකි නමුත් ඉහත කී දැවැන්තයන් හමුවේ ඒවාට තරඟ වැදීම පහසු නොවනු ඇත.

අද අන්තර්ජාලයේ මීළඟ Nexus දුරකතනය පදනම් කර ගනිමින් බොහෝ කටකතා පැතිර ගොස් ඇත. එබැවින් Nexus දුරකතනයක් නිශ්පාදනය කරතැයි ඔබ බලාපොරොත්තු වන සහ ප්‍රියතම නිශ්පාදකයා වෙනුවෙන් මනාපයක් පල කරන්නට පහත මත විමසුමට එක් වන්න.

Saturday, September 29, 2012

මීළඟ Nexus දුරකතනය තව නොබෝ දිනකින්

ඔබ Android මෙහෙයුම් පද්ධතිය පාවිච්චි කරන්නෙක්ද? එසේ නම් ඔබට තවත් සුභ ආරංචියක් ලඟදීම දැන ගැනීමට ලැබේවි. ඒ තවත් නොබෝ දිනකින් දුරකතන පාරිබෝගිකයන් වෙනුවෙන් නිපැයෙන තවත් දුරකතනයක් නිසාවෙන්. ඔබ Android මෙහෙයුම් පද්ධතියේ සුන්දරත්වය විඳින්නෙක් නම් ඔබ අනිවාර්යෙන්ම දැනටමත් පාවිච්චි කරනා ජංගම දුරකතනය හෝ ටැබ්ලට් පරිගණකය පිළිබඳව හොඳාකාරයෙන්ම දන්නා පුද්ගලයෙකු විය යුතුය. නැතහොත් ඒ පිළිබඳව හොඳාකාරයෙන් සොයා බලන්නෙක් විය යුතුය. මන්දයත් ජංගම උපකරණ හා සම්බන්ධ තාක්ෂණයේ දියුණුව දිනෙන් දින වර්ධනය වන නිසාවෙන්. ඔබ අද දුරකතනයක් ගත්තා නම් එහි ඔබ ප්‍රිය කළ බොහෝ විශේෂාංග වලට එහා ගිය උපකරණයක් හෙට දිනයේදී මොනයම් හෝ ආයතනයක් විසින් එළි දැක්වීමට ඇති හැකියාව වර්තමාන තාක්ෂණික ලෝකයේදී පවතී.

මේ කියන්නට යන්නේ තව දින කිහිපයකින් ඔබේ අතට පැමිණෙන තවත් නව නිර්මාණයක් පිළිබඳවයි. ඒ Google සමාගමේ Nexus දුරකතන පෙළේ මීලඟ සංස්කරණයයි. Google සමාගමෙන් මුල්ම වරට Nexus නමින් දුරකතනයක් එළි දැක්වුනේ 2010 වසරේ ජනවාරියේදීයි. ඒ Nexus One වන HTC සමාගමෙන් නිෂ්පාදනය කළ Android 2.1 Eclair ධාවනය වන, පසුව Android 2.3 Gingerbread වලට පමණක් යාවත්කාලින වුන දුරකතනයයි. පසුව එම වසරේම දෙසැම්බරයේ Samsung සමාගම විසින් Nexus S නමින් Android 2.3 Gingerbread හඳුන්වා දීමත් සමගම එළිදැක්වුනා. මීලඟට 2011 වසරේ නොවැම්බරයේදී Google සමාගම විසින් Samsung සමාගම හා එක්ව Google Nexus නම් ලද දුරකතනය තම Android 4.0 Ice Cream Sandwich සංස්කරණය සමග එළි දැක්වූයේ ජංගම දුරකතන ක්ශේත්‍රයේ තවත් පෙරළියක් ඇති කරමිනුයි. පසුව මේ දුරකතනයත් Nexus S දුරකතනයත් Android 4.1 වන නවතම Jelly Bean සංස්කරණය ලබා ගන්නටත් සමත් වූවා. ඒ ඔවුන්ගේ නවතම Nexus 7 Android ටැබ්ලට් පරිගණකයද පාරිභෝගිකයින් අතට මේ වසරේදීම පත් කරමින්. ඒ අනුව මේ දක්වා ගූගල් සමාගම Android ජංගම උපකරණ 4ක් ලෝකයට ලබා දී හමාරයි. Nexus Q ද එළි දැක්වුනේ Jelly Bean සහිතව මේ වසරේදීමයි. එය විනෝදාස්වාදය උදෙසා අන්තර්ජාලය ඔස්සේ පවා ගීත වීඩියෝ ආදිය ලබගෙන, තම ඇන්ඩ්‍රොයිඩ් උපාංග වලටද ලබා ගැනීමට උදව් වන උපකරණයකි.

අලුත් Nexus දුරකතනයක් පිළිබඳව බොහෝ දෙනා සිහින මවමින් සිටියද ඒ පිළිබඳව නිවැරදි තොරතුරු තවමත් අන්තර්ජාලයට මුදා හැරීමට ගූගල් සමාගම සහ අනෙකුත් ජංගම දුරකතන නිෂ්පාදනායතන වලට හැකි වී නෑ. මෙය තවමත් රහසක් විය හැකියි. මන්දයත් තව නොබෝ දිනකින් එනම් නොවැම්බර් මස 5 වන දිනට Google සමාගමේ නිර්මාණයක් වන Android මෙහෙයුම් පද්ධතියට වසර 5ක් පිරෙන දිනය උදා වෙන බැවින්. එදිනට බොබෝ විට Google ආයතනය Android පස් වන උපන් දිනය සැමරීම නිමිත්තෙන් තවත් Nexus උපකරණ හෝ දුරකතන 5ක් හඳුන්වාදීමට යන බවට කටකතාවක් අන්තර්ජාලය පුරාවටම මේ දින වල පැතිර යන්නක්. මෙහි සත්‍යාසත්‍යතාවය පිළිබඳව තවමත් සැක සහිතයි. නමුත් පැවසිය යුතු දෙය නම් මේ වන විට මීළඟ Nexus දුරකතනය ලෙසින් Samsung ආයතනය දුරකතනයක් නිම කරනා බවට බොහෝ විට සත්‍ය වන හෝඩුවාවන් කීපයක්ම අන්තර්ජාලයට මුදා හැර තිබීමයි. ඉන් එකක් නම් මීලඟ Nexus දුරකතනයේ තිබෙනා අංග ඇතුලත් පත්‍රිකාවක් නිකුත් වීම සහ නව Nexus දුරකතනයේ කැමරාවෙන් ගන්නා ලද ඡායාරූප කීපයක් අන්තර්ජාලයට නිකුත් වීම.

එම පත්‍රිකා වල තිබූ තොරතුරු අනුව මේ නව Nexus ජංගම දුරකතනය දැනට පවතින 1.2GHz Dual Core ප්‍රොසෙසරය අභිබවා 1.5GHz Dual Core ප්‍රොසෙසරයක් අන්තර්ගත කර ඇති අතර දැනට පවතින මෙගා පික්සල් 5ක් වෙන ප්‍රධාන කැමරාව මෙගා පික්සල් 8 දක්වා වැඩි කර ඉදිරිපස කැමරාව මෙගා පික්සල් 1.9ක් දක්වා වර්ධනය කර තැනෙන්නක්. අභ්‍යන්තර ධාරිතාව ගිගා බයිට් 16ක් ම පවත්වා ගෙන ධාරිතාව වැඩි කර ගැනීමට SD card slot එකක් මෙහි අන්තර්ගත කෙරෙන අතර තිරය සුපුරුදු ලෙසින් අඟල් 4.65ක් ලෙසින්ම පවත්වා එය HD Super AMOLED දක්වා වර්ධනය වී තැනෙන්නක්. මෙහි භාවිත නම 'Superior' ලෙසින් නම් කරනු ඇතයි බොහෝ දෙනා කියනා කතාවක්. මේ Samsung සමාගම නිපදවන්නට නියමිත Nexus දුරකතනය පිළිබඳව විස්තරයයි.

එපමණක් නොව. ඉහත කී අංගෝපාංග දැඩි ලෙසින් අභිබවා Google ආයතනය HTC සමාගම සමග එක්ව Nexus දුරකතනයක් නිපදවීමට යන බවටත් තොරතුරු පසුගිය සතියේදී අන්තර්ජාලයට එක් වී තිබෙන තවත් දෙයක්. එයද කටකතාවක් ලෙසිනුයි දැනට පවතින්නේ. මෙයට අනුව එම දුරකතනය, දුරකතනයක් සහ ටැබ්ලට් පරිගණකයක් අතර පවතින ෆැබ්ලට් (Phone+Tablet=Phablet) දුරකතනයක් ලෙසින් ඔවුන් හඳුන්වා දෙනවා. එය Nexus 5 ලෙසින් ද හඳුන්වන්නට යෙදෙන බව එම තොරතුරු වල සඳහන්. එනම් මෙහි තිරය අඟල් 5කින් යුතු 1080p වන්නක් සහ Quad Core ප්‍රොසෙසරයක් ධාවනය වන්නක්. මෙහි ප්‍රධාන කැමරාව මෙගා පික්සල් 12 කින් නිපදවෙන අතර ඉදිරිපස කැමරාව මෙගා පික්සෙල් 2කින් නිම වෙමින් ද, මිලි ඇම්පියර් 2500ක් යුත් වැඩි බැටරි කාලයක් සහිතවත්, ගිගා බයිටි 64ක අභ්‍යන්තර ධාරිතාවකින්ද යුතු LTE සම්බන්ධතාව ද ඇතුව නිමැවෙන්නක්. Nexus පාරිභෝගිකයන්ට මෙය නම් ඉතාමත්ම සතුටුදායක ආරංචියක් වේවි මෙවන් දුරකතනයක් Google සමාගම නොවැම්බර් 5 වනදාට නිකුත් කළහොත්. 

මේ වාගේම තවත් ලැබෙනා තොරතුරක් නම් ගූගල් සමාගම Android මෙහෙයුම් පද්ධතියේ 5 වන උපන්දිනය සැමරීම උදෙසා Nexus උපකරණ 5ක් නිකුත් කිරීමට ඇති බවත් ඒ සඳහා LG, Asus, Motorola ආයතනත් සම්බන්ධ කොටගෙන ඇති බවත් ය. නමුත් මේ කිසිදු ආරංචියක නිරවද්‍යතාව තවමත් හෙළි වී නෑ. එය නොවැම්බරය ආසන්න වත්ම බොහෝ විට සියල්ලන්ගේම හද ගැස්ම වැඩි කරමින් හෙළි වන්නටත් බැරි නෑ. එමෙන්ම ගූගල් ආයතනය මේ උපාංග පහසු මිලක් යටතේ තමන්ගේ Play Store හරහා සියළු දෙනාටම මිලදී ගැනීමට හැකි පහසුකමත් මේ දුරකතන එළි දැක්වීමත් සමගම ලෝකයට බෙදා දෙන්නට සූදානම් බවයි අන්තර්ජාලයේ විවිධ තොරතුරු මගින් දැක්වෙන්නේ. එපමණක් නොව එළි දැක්වෙන කිනම් දුරකතනයක් වුවද මෙදිනට Android 5.0 නව සංස්කරණයද සතුව එළි දැක්වෙන බව ලැබෙනා තොරතුරු වල සඳහන්. එම දිනය වනතෙක් අපි බලා හිඳිමු.