දන්න කියන දෙයක් හැමෝටම දැනගන්න කියලා ලියන මේ බ්ලොග් පිටුවට ඔයාලව ආදරයෙන් පිළි ගන්නවා. ඉගෙන ගන්න පුළුවන් දේවල් කියලා දෙන්න බලාපොරොත්තු වෙනවා. ආපු වෙලාවක කොමෙන්ට් එකක් දාන්නත්, පාඨකයෙක් විදියට ෆොලෝ කරන්නත් පුළුවන් නම් වටිනවා.

Saturday, May 15, 2010

PHP කරා යමු - 4 (HTML)

දැන් වෙලාව 6 ට විතර වගේ. මට මෙතෙන්ට හරියටම ඔරලෝසුවේ පේන්නේ 6 ට වගෙයි. වැස්ස නැවතිලා තිබුණට කම්මැලි කම යන්නත් එක්ක පොඩි නින්දක් දාල ආව. යාළුවා නම් දැන් ටිකකට කලින් ගෙදර ගියා ආපහු. හැබැයි ඉතින් මම අන්තර්ජාලෙට ආවම එයත් ඉන්නව ඕන් පාඩම දිහා බලාගෙන. HTML ඉගෙන ගන්න ඔයාලට ඕනෙ කරන කොම්පියුටරේ තිබිය යුතු අවම අවශ්‍යතාවන් තමයි නෝට්පෑඩ් වගේ සොෆ්ට්වෙයා එකකුයි වෙබ් බ්‍රවුසරයකුයි. අද කාලේ පාවිච්චි වෙන ටෙක්ස්ට් (text editing) සොෆ්ට්වෙයා එකක් ගන්නත් පුළුවන්. සාමාන්‍යයෙන් නම් වින්ඩෝස් එක්ක කොහොමටත් එන ඉන්ටර්නෙට් එක්ස්ප්ලෝරර් (internet explorer) වල පහල සංස්කරණයක් (version) එකක් තිබුණත් හොඳටෝම ඇති. කොටින්ම කීවොත් ඔය දෙජාතියෙන් ඕනෙ වර්ගෙක යුගලක් හොයා ගන්නකෝ. හරි ඔන්න ඉතින් හොයා ගත්තයි කියමුකෝ... හ්ම්...

ඔයාලට මතකයි නේද මම කිව්වා HTML කේත වල ගොඩක් වෙලාවට යුගල විදියට tags (ටැග්ස්) පාවිච්චි වෙනවය කියලා. ඒක මට හරියට පැහැදිලි කරන්න බැරි වුණා කලින් වතාවෙදි. මගේ යාළුවා තමයි අඩුව පුරවන්න කීවෙ. මෙහෙමයි. යුගලයක් කියන්නේ ජෝඩුවක් නැත්තම් 2ක් විදියට ආරම්භක සහ අවසාන කිරීම විදියට HTML වල tag (ටැග්) තියෙන එක. ඒ කියන්නේ ටැග් එකක් පාවිච්චි කරද්දී පටන් ගන්න ටැග් එකකුයි ඒ ටැග් එක එතනින් එහාට පාවිච්චි කරලා ඉවරයි කියලා බ්‍රවුසරේට දැනුම් දෙන අවසන් කිරීමේ ටැග් එකකුයි තියෙනවා කීවොත් වඩා නිවැරදියි. HTML කියන්නේ ටැග් යුගල අතර කරන සටනක්. හරියට, කලවම් නොකර කරන්න ඕනෙ වැඩක්. ආරම්භක, අවසන් කරන ටැග් එකිනෙක මාරු කර නොගෙන කළ යුතු වැඩක්. මොකද අපි දකින දේ පෙන්වන්නේ මේ ටැග් හරහා නෙව.

HTML කේතනය කරද්දී ටැග් එකක් අපි ලියන්නේ "<" හා ">" ලකුණු දෙක මැද්දේ. මේ අර මම මුලින් කීව ආරම්භක අවසන් කරන ටැග් යුගලෙ කියල වරදවා ගන්න එපා. මේ ඒක නෙවෙයි. ඕනෙම තනි ටැග් එකකට නමක් තියෙනවා. ඒ කීවෙ මොකද්ද ඒ ටැග් එක කියලා. අන්න ඒ නම ලියන්නේ "<" වලින් පටන් අරන් සහ ">" වලින් අවසන් කරලා. උදාහරණයක් කියනවා නම් මගේ නම ටැග් එකක් කියලා හිතුවොත් "<teerox>" කියලායි ලියන්න වෙන්නේ. ඕක තමයි මුල්ම පාඩම. ඔය අපි ලීවෙ ආරම්භක ටැග් එකක්. ඕකෙම අවසන් කරන ටැග් එක ලියන්නේ "</teerox>
" කියලා, වැඩිපුර ටැග් නමට ඉස්සරහින් එකතු වෙන "/" කොටසකින් තමයි අවසන් කරන ටැග් එක කියලා අඳුන ගන්නේ. දැන් ඒ දෙකම එකට අරගත්තොත් පෙනෙන්නේ මෙන්න මෙහෙමයි. "<teerox> </teerox> ".

ටැග් එකක් ලියන හැටිත් දැන් ඔන්න අඳුර ගත්තනේ. හැබැයි මේ HTML ලියන්න රීති ටිකක් තියෙනවා. ඒවා අනිවාර්යෙන්ම සපුරන්න ඕනේ හරි හමන් වෙබ් නිර්මාපකයෙක් නම්. මෙන්න මේවා තමයි ඒ රීති ටික.

  • පටන් ගන්න හැම ටැග් එකක්ම අවසන් කළ යුතුමයි. ඒ ටැග් එක තනි ටැග් එකක්ද, යුගල වශයෙන් පාවිච්චි වෙන එකක්ද කියලා නෑ, අවසන් විය යුතුයි. එතකොට තමයි බ්‍රවුසරේ දැන ගන්නේ, "මේ ටැග් එකේ වැඩේ මෙතනින් පටන් අරන් මෙන්න මෙතනින් ඉවර වෙනවාය" කියලා.
  • එක ටැග් එකක් පටන් අරන් ඒ ටැග් එක වහන් නැතිව, ඒ කියන්නේ අවසන් නොකර තවත් ටැග් එකක් පටන් ගන්නේ නැහැ. ඒක වැරදියි. එහෙම කෙරුවොත් තමයි අපිට පෙන දේවල් අපි බලාපොරොත්තු නොවන විධි වලින් පෙන්නන්නේ. උදාහරණෙකට කීවොත්, හරියට පොළොන්නරුවේ සත් මහල් ප්‍රාසාධය උඩින් බලනවා වගෙයි මේවා පිහිටන්න ඕනි. එක ස්ථරයක් උඩින් ඊට වඩා පොඩියට අනික, හැබැයි හරි මැදින් එහෙ මෙහේ පනින් නැතුව. එතකොට උඩට උඩට එද්දි පොඩි වෙවී එකක් ඇතුලෙ තව එකක් වගෙයි පේන්නේ. මේ තට්ටු වල කෙළවර, නැත්තම් වාටිය තමයි ටැග් යුගලයක් කියන්නේ.

5 comments:

Anonymous said...

ko PHP?

Teshan said...

PHP walata enna kalin HTML igena ganna oni. nodanna thoththa babaage idalama igena ganna puluwan wennai meka liyanne. mokada etakota php witarak igena ganna inna ayata witarane danumak labenne.

tikak iwasannako. :)

dumasrc said...

niyamatama liyagan yanawa niyamai maxxxxxxaaaaaaaaaaaaa godak thanks rasawathwa liyagana yana ekata thanks

Madhawa Habarakada said...

කතාව හරි, හැමෝටම තේරෙන්නෙ ලියන්න එපැයි. PHP දැනගත්තට වැඩක් නෑ, ඒකට HTML නැතුව දුවන්න අමාරුයි නෙව. :)

Abeetha Edirisinghe said...

elakiriz...... mamath mea oyaagen igena ganimi inne

Post a Comment